തിരുവനന്തപുരം: എൽ.പി.ജി. ഗാർഹിക സിലിണ്ടർ ഉപയോക്താക്കൾക്ക് ഇ-കെ.വൈ.സി. പൂർത്തിയാക്കാനുള്ള സമയപരിധി ഓഗസ്റ്റ് 31-ന് അവസാനിക്കും. ഇതുവരെയും നടപടികൾ പൂർത്തിയാക്കാത്ത ഉപയോക്താക്കൾക്ക് മാത്രമാണ് ഇത് സംബന്ധിച്ച സന്ദേശങ്ങൾ വിതരണ കമ്പനികൾ അയക്കുന്നത്.
കഴിഞ്ഞ ഒരു വർഷത്തിനിടെ ഇ-കെ.വൈ.സി. നൽകിയവർ വീണ്ടും നൽകേണ്ടതില്ലെന്ന് അധികൃതർ വ്യക്തമാക്കി. നിശ്ചിത തീയതിക്കകം ബയോമെട്രിക് വിവരങ്ങൾ അപ്ഡേറ്റ് ചെയ്തില്ലെങ്കിൽ ഗാർഹിക സിലിണ്ടർ ആനുകൂല്യങ്ങൾ ലഭിക്കില്ലെന്ന് വ്യക്തമാക്കി കമ്പനികൾ ഉപയോക്താക്കൾക്ക് മുന്നറിയിപ്പ് സന്ദേശം നൽകുന്നുണ്ട്. സംശയങ്ങൾക്കായി 1800 2333 555 എന്ന ടോൾ ഫ്രീ നമ്പറിൽ ബന്ധപ്പെടാവുന്നതാണ്.
