പത്തനംതിട്ട: പറക്കോട്ട് വയോധികനായ പിതാവ് മകന്റെയും മരുമകളുടെയും ക്രൂര മർദനത്തിനിരയായി.
അടൂർ പറക്കോട് തളിയാട്ടുകോണത്ത് തങ്കപ്പനാണ് (കൂരമായി മർദനമേറ്റത്. സംഭവത്തെ തുടർന്ന് മകൻ സുജു, ഭാര്യ സൗമ്യ എന്നിവരെ പോലീസ് കസ്റ്റഡിയിലെടുത്തു.
കഴിഞ്ഞ ഞായറാഴ്ച ഉച്ചയ്ക്ക് രണ്ടു മണിയോടെയായിരുന്നു ആക്രമണം. ബുധനാഴ്ച ഉച്ചയോടെയാണ് അയല്‍വാസി പകർത്തിയ സംഭവത്തിന്റെ ദൃശ്യങ്ങള്‍ വ്യാപകമായി പ്രചരിച്ചത്.
പിന്നാലെ അടൂർ പോലീസ് വിഷയത്തില്‍ ഇടപെട്ടു തങ്കപ്പന്റെ മൊഴി രേഖപ്പെടുത്തി. തുടർന്ന് സുജുവിനെയും സൗമ്യയെയും കസ്റ്റഡിയില്‍ എടുത്തു
തങ്കപ്പൻ തനിയെ മറ്റൊരു വീട്ടിലാണ് താമസിച്ചിരുന്നത്. തങ്ങളുടെ വീട്ടിലേക്ക് വരരുതെന്ന് തങ്കപ്പനോട് മകൻ പറഞ്ഞിരുന്നെന്നാണ് അറിയാൻ കഴിഞ്ഞത്.
എന്നാല്‍ ഇവരുടെ വാക്കിനെ മറികടന്ന് ഞായറാഴ്ച തങ്കപ്പൻ വീട്ടിലെത്തിയതോടെ മകനും മരുമകളും ചേർന്ന് മർദിക്കുകയായിരുന്നു.
