ഇടുക്കി: ജനനേന്ദ്രിയം മുറിഞ്ഞ നിലയില്‍ വയോധികനെ ആശുപത്രിയില്‍ പ്രവേശിപ്പിച്ചു. കൊച്ചു കരുന്തരുവി സ്വദേശി തങ്കപ്പനെ (70)യാണ് പീരുമേട് താലൂക്ക് ആശുപത്രിയില്‍ എത്തിച്ചത്.
മൂർച്ചയുള്ള ആയുധം കൊണ്ട് മുറിവേറ്റതായാണ് പ്രാഥമിക നിഗമനം. എന്നാല്‍ നായയുടെ കടിയേറ്റാണ് ജനനേന്ദ്രിയം മുറിഞ്ഞതെന്നാണ് ആശുപത്രിയില്‍ എത്തിച്ചവർ പറഞ്ഞത്. അബോധാവസ്ഥയിലായതിനാല്‍ തങ്കപ്പന്റെ മൊഴി രേഖപ്പെടുത്താൻ കഴിഞ്ഞിട്ടില്ല.
പരിക്ക് ഗരുതരമായതിനാല്‍ ഡോക്ട‍ർമാരുടെ നിർദ്ദേശ പ്രകാരം കോട്ടയം മെഡിക്കല്‍ കോളേജ് ആശുപത്രിയിലേക്ക് മാറ്റി. വാഗമണ്‍ പൊലീസ് അന്വേഷണം ആരംഭിച്ചു.
