പാലക്കാട്: തൃത്താല കുമ്പിടി കാറ്റാടിക്കടവില്‍ ഭാരതപ്പുഴയില്‍ വൻ തീപിടുത്തം. പുഴയിലെ അഞ്ച് ഏക്കർ പുല്‍ക്കാട് പൂർണ്ണമായി കത്തി നശിച്ചു.
ഇന്ന് ഉച്ചയ്ക്ക് മണിയോടെയായിരുന്നു സംഭവം. കുമ്പിടി കാറ്റാടിക്കടവിന് സമീപമുള്ള പെട്രോള്‍ പമ്പിന് അമ്പത് മീറ്റർ മാറിയാണ് തീപടര്‍ന്നത്.
കൃത്യ സമയത്ത് പൊന്നാനിയില്‍ നിന്നെത്തിയ അഗ്നിരക്ഷാ സേനാംഗങ്ങള്‍ തീയണച്ചതിനാല്‍ വലിയ അപകടം ഒഴിവായി. തീപിടുത്തത്തിന്‍റെ കാരണം വ്യക്തമല്ല. പുഴയിലെ ജലനിരപ്പ് താഴ്ന്നാല്‍ തൃത്താല മുതല്‍ കുമ്പിടി കാറ്റാടിക്കടവു വരെയുള്ള സ്ഥിരം കാഴ്ചയാണ് പുഴയിലെ തീപിടുത്തം.
