കോഴിക്കോട്: വടകര റെയില്വേ സ്റ്റേഷനില് വന് ലഹരി വേട്ട. 9.92 കിലോഗ്രാം കഞ്ചാവാണ് ഇതര സംസ്ഥാന തൊഴിലാളികളില് നിന്നായി വടകര പൊലീസ് പിടികൂടിയത്.
സംഘത്തിലെ 2 പേരെ പൊലീസ് അറസ്റ്റ് ചെയ്തു. ഒഡീഷ സ്വദേശി റോഷന് മെഹര്(29), ജാര്ഖണ്ഡ് സ്വദേശി ജയസറാഫ്(33) എന്നിവരാണ് പിടിയിലായത്.കഴിഞ്ഞ ദിവസം രാവിലെ 6.30ഓടെ വടകര റെയില്വേ സ്റ്റേഷനിലാണ് സംഘം ട്രെയിനിറങ്ങിയത്. ഒരു ട്രോളി ബാഗും 2 ബാഗുകളും ഇവരുടെ പക്കലുണ്ടായിരുന്നു. ഇവരുടെ പെരുമാറ്റത്തിലെ അസ്വഭാവികതയില് സംശയം തോന്നിയ പൊലീസ് തടഞ്ഞുവെച്ച് ബാഗ് പരിശോധിച്ചപ്പോഴാണ് കഞ്ചാവ് കണ്ടെത്തിയത്. പ്ലാസ്റ്റിക് കവറുകളില് പൊതിഞ്ഞ നിലയിലായിരുന്നു ഇവ സൂക്ഷിച്ചിരുന്നത്.
വടകര പൊലീസ് ഇന്സ്പെക്ടര് സുനില് കുമാറിന്റെ നിര്ദേശ പ്രകാരം എസ്ഐമാരായ ബിജു വിജയന്, രഞ്ജിത്ത് ഡാന്സാഫ് അംഗങ്ങളായ എസ്ഐ മനോജ് രാമത്ത്, എഎസ്ഐമാരായ ഷാജി, ബിനീഷ്, സിപിഒമാരായ ടികെ ശോബിത്ത്, അഖിലേഷ് എന്നിവരുടെ സംഘമാണ്പ്രതികളെ പിടികൂടിയത്.വടകരയിലും പരിസര പ്രദേശങ്ങളിലും വില്പനക്കായെത്തിച്ചതാണ്.
