ചെന്നൈ: സതേൺ റെയിൽവേയുടെ കീഴിൽ സർവീസ് നടത്തുന്ന എട്ട് എക്സ്പ്രസ് ട്രെയിനുകൾ സൂപ്പർഫാസ്റ്റ് പദവിയിലേക്ക് ഉയർത്തുന്നു. വേഗത വർധിപ്പിക്കുന്നതിനോടൊപ്പം ട്രെയിനുകളുടെ നമ്പറുകളിലും മാറ്റം വരുത്തും. പുതിയ ക്രമീകരണം 2027 ജനുവരി 1 മുതൽ പ്രാബല്യത്തിൽ വരുമെന്ന് റെയിൽവേ അധികൃതർ അറിയിച്ചു.
ചെന്നൈ എഗ്മോർ - രാമേശ്വരം, താമ്പരം - രാമേശ്വരം, താമ്പരം - തിരുച്ചിറപ്പള്ളി, മുംബൈ എൽ.ടി.ടി - നാഗർകോവിൽ എന്നീ റൂട്ടുകളിലെ ട്രെയിനുകൾക്കാണ് സൂപ്പർഫാസ്റ്റ് പദവി നൽകുന്നത്. സമയക്രമത്തിലും ട്രെയിൻ നമ്പറുകളിലും വരുന്ന മാറ്റങ്ങൾ യാത്രികർ പ്രത്യേകം ശ്രദ്ധിക്കണമെന്ന് റെയിൽവേ നിർദ്ദേശിച്ചു. ഔദ്യോഗിക റെയിൽവേ ആപ്പുകൾ വഴിയും എൻക്വയറി കൗണ്ടറുകൾ വഴിയും യാത്രക്കാർക്ക് പുതിയ വിവരങ്ങൾ ലഭ്യമാകും.
