തിരുവനന്തപുരം: കേരളത്തിൽ പുതിയ വോട്ടർമാർ ചേർക്കുമ്പോൾ സമർപ്പിക്കേണ്ടിയിരുന്ന അധിക സത്യവാങ്മൂലം (ഡിക്ലറേഷൻ ഫോം) കേന്ദ്ര തിരഞ്ഞെടുപ്പ് കമ്മീഷൻ ഒഴിവാക്കി. കേരളമടക്കം എസ്. ഐ. ആർ. (സെക്കൻഡ് സമറി റിവിഷൻ) നടപടികൾ പൂർത്തിയായ സംസ്ഥാനങ്ങളിലെ വോട്ടേഴ്സ് പോർട്ടലിൽ നിന്ന് ചൊവ്വാഴ്ച രാത്രിയോടെയാണ് ഈ ഡിക്ലറേഷൻ ഫോം ഒഴിവാക്കിയത്.
എസ്. ഐ. ആർ. അവസാനിച്ചശേഷവും പുതിയ വോട്ടറായി പേര് ചേർക്കാൻ അപേക്ഷ നൽകുന്നവർ വീണ്ടും എസ്. ഐ. ആർ. നടപടികൾക്ക് വിധേയമാകേണ്ടി വന്നിരുന്ന സങ്കീർണ്ണമായ സ്ഥിതിയാണ് ഇതോടെ ഒഴിവായത്. പുതിയ തീരുമാനം അപേക്ഷകർക്ക് ഏറെ ആശ്വാസകരമാകും.
