ന്യൂഡൽഹി: മഹാത്മാഗാന്ധിയുടെ കൈയെഴുത്തിലുള്ള അപൂർവ കുറിപ്പായ 'എ തോട്ട് ഓഫ് ദ ഡേ' ലേലത്തിൽ 16.2 കോടി രൂപയ്ക്ക് വിറ്റുപോയി. സാഫ്രണാർട്ട് നടത്തിയ ലേലത്തിലാണ് ഈ ചരിത്രരേഖ വൻ തുകയ്ക്ക് സ്വന്തമാക്കപ്പെട്ടത്. ഓഗസ്റ്റ് 19-ന് നടന്ന ലേലത്തോടെ, ഒരു ഇന്ത്യൻ ചരിത്രരേഖയ്ക്ക് ലഭിക്കുന്ന ഏറ്റവും ഉയർന്ന വില എന്ന ലോക റെക്കോർഡും ഈ കുറിപ്പ് സ്വന്തമാക്കി.
ഗാന്ധിജിയുടെ വ്യക്തിജീവിതത്തെയും ചിന്തകളെയും അടുത്തറിയാൻ സഹായിക്കുന്ന ഏറ്റവും അപൂർവമായ രേഖകളിലൊന്നാണിത്. ലളിതമായ ഒരു ദൈനംദിന ചിന്തയായി എഴുതപ്പെട്ടതാണെങ്കിലും ചരിത്രപരവും സാംസ്കാരികവുമായ വലിയ മൂല്യമാണ് ഈ രേഖയ്ക്കുള്ളത്.
