ന്യൂഡൽഹി: രാജ്യത്തിന്റെ ജനാധിപത്യ മൂല്യങ്ങൾ സംരക്ഷിക്കുന്നതിൽ വിദ്യാർഥികൾ നിർണായക പങ്കാണ് വഹിച്ചതെന്ന് കോൺഗ്രസ് നേതാവ് പ്രിയങ്ക ഗാന്ധി. വിദ്യാർഥികൾ രാജ്യത്തെ ശരിയായ പാതയിലേക്ക് തിരിച്ചുകൊണ്ടുവന്ന ദിവസങ്ങളിൽ രാഹുൽ ഗാന്ധി അവർക്കൊപ്പം ഉറച്ചുനിന്ന് പോരാടിയെന്നും പ്രിയങ്ക വ്യക്തമാക്കി.
വിദ്യാർഥികളുടെയും യുവാക്കളുടെയും പോരാട്ടങ്ങൾക്ക് എപ്പോഴും കോൺഗ്രസിന്റെയും രാഹുൽ ഗാന്ധിയുടെയും പിന്തുണയുണ്ടാകുമെന്ന് പ്രിയങ്ക ഓർമ്മിപ്പിച്ചു. രാജ്യത്തിന്റെ ഭാവി രൂപപ്പെടുത്തുന്നതിൽ യുവജനങ്ങൾക്ക് വലിയ പങ്കുണ്ടെന്നും അവരുടെ ശബ്ദം അടിച്ചമർത്താൻ ആർക്കും സാധിക്കില്ലെന്നും പ്രിയങ്ക കൂട്ടിച്ചേർത്തു.
