രാജ്കോട്ട്: മുംബൈയില് നിന്ന് ദുബായിലേക്ക് പുറപ്പെട്ട ഇൻഡിഗോ വിമാനം രാജ്കോട്ടില് അടിയന്തരമായി ഇറക്കി. കാർഗോ ഹോള്ഡില് പുക കണ്ടെത്തിയതിനെ തുടർന്ന് വിമാനം അടിയന്തരമായി താഴെയിറക്കുകയായിരുന്നു.
6E 1452 നമ്പർ വിമാനത്തിലാണ് സാങ്കേതിക തകരാർ കണ്ടെത്തിയത്.
വിമാനത്തിലുണ്ടായിരുന്ന 194 യാത്രക്കാരും സുരക്ഷിതരാണെന്ന് അധികൃതർ അറിയിച്ചു. ലാൻഡിംഗിനു ശേഷം എല്ലാവരെയും സുരക്ഷിതമായി പുറത്തിറക്കി. യാത്രക്കാരെ ലക്ഷ്യസ്ഥാനത്ത് എത്തിക്കുന്നതിനുള്ള ബദല് സംവിധാനങ്ങള് ഒരുക്കുമെന്ന് അധികൃതർ പറഞ്ഞു.
