തൃശൂർ: അന്തരിച്ച മുൻ മുഖ്യമന്ത്രി കെ. കരുണാകരന്റെ പേരിൽ സ്മാരകം പണിയാനെന്ന വ്യാജേന കോൺഗ്രസ് നേതാക്കൾ വൻതോതിൽ ഫണ്ട് വെട്ടിച്ചതായി മകളും തൃശൂരിലെ എൻ.ഡി.എ സ്ഥാനാർത്ഥിയുമായ പത്മജ വേണുഗോപാൽ. കരുണാകരനോടുള്ള ആദരസൂചകമായി സാധാരണക്കാർ നൽകിയ പണം സ്മാരകത്തിനായി വിനിയോഗിക്കാതെ നേതാക്കൾ കൈക്കലാക്കിയെന്നാണ് പത്മജയുടെ ആരോപണം.
നേതാക്കൾ പലയിടങ്ങളിലും കൂപ്പണുകൾ വിതരണം ചെയ്ത് പണം പിരിക്കുന്നത് താൻ നേരിട്ട് കണ്ടിട്ടുണ്ട്. അച്ഛനോടുള്ള സ്നേഹം കാരണം വലിയൊരു വിഭാഗം ജനങ്ങൾ ഇതിലേക്ക് സംഭാവനകൾ നൽകിയിരുന്നു. എന്നാൽ ഈ പണമൊന്നും അർഹമായ രീതിയിൽ ഉപയോഗിച്ചിട്ടില്ലെന്നും അച്ഛനുവേണ്ടി ഒരു സ്മാരകം പോലും പണിയാൻ കോൺഗ്രസ് നേതൃത്വം തയ്യാറായില്ലെന്നും പത്മജ കുറ്റപ്പെടുത്തി.
"ഈ പണമൊക്കെ എവിടെപ്പോയി? അച്ഛന്റെ പേരിൽ പിരിവ് നടത്തിയതല്ലാതെ അദ്ദേഹത്തിന് വേണ്ടി ഒന്നും ചെയ്യാൻ ഇവർക്ക് കഴിഞ്ഞിട്ടില്ല," പത്മജ മാധ്യമങ്ങളോട് പറഞ്ഞു. കോൺഗ്രസ് നേതൃത്വത്തിന്റെ വിശ്വാസ്യതയെ ചോദ്യം ചെയ്യുന്ന ഈ പ്രസ്താവന രാഷ്ട്രീയ വൃത്തങ്ങളിൽ വലിയ ചർച്ചയായിരിക്കുകയാണ്.
Permalink:
https://www.keralanews.com/politics/
