കണ്ണൂർ: നൈപുണ്യ പരിശീലനത്തിൽ ഏർപ്പെട്ടിരിക്കുന്നവർക്കും മത്സരപരീക്ഷകൾക്കായി തയ്യാറെടുക്കുന്ന യുവജനങ്ങൾക്കും സാമ്പത്തിക പിന്തുണ നൽകുന്ന മുഖ്യമന്ത്രിയുടെ 'കണക്ട് ടു വർക്ക്' പദ്ധതിയിലേക്ക് അപേക്ഷ ക്ഷണിച്ചു. തിരഞ്ഞെടുക്കപ്പെടുന്നവർക്ക് പ്രതിമാസം 1000 രൂപ വീതം സഹായധനം ലഭിക്കും.
അപേക്ഷിക്കാനുള്ള യോഗ്യതകൾ:
* പ്രായം: 18 മുതൽ 30 വയസ്സ് വരെ.
* താമസം: കേരളത്തിൽ സ്ഥിരതാമസക്കാരായിരിക്കണം.
* വരുമാനം: കുടുംബ വാർഷിക വരുമാനം 5 ലക്ഷം രൂപയിൽ കവിയാൻ പാടില്ല.
* നിലവിൽ നൈപുണ്യ പരിശീലനം നേടുന്നവരോ മത്സരപരീക്ഷാ പരിശീലനത്തിൽ ഏർപ്പെട്ടിരിക്കുന്നവരോ ആയിരിക്കണം.
അപേക്ഷിക്കേണ്ട വിധം:
താല്പര്യമുള്ള ഉദ്യോഗാർത്ഥികൾക്ക് സംസ്ഥാന എംപ്ലോയ്മെന്റ് വകുപ്പിന്റെ ഔദ്യോഗിക പോർട്ടലായ www.eemployment.kerala.gov.in വഴി ഓൺലൈനായി അപേക്ഷ സമർപ്പിക്കാവുന്നതാണ്.
കൂടുതൽ വിവരങ്ങൾക്ക്:
സന്ദേഹങ്ങൾക്കും കൂടുതൽ വിവരങ്ങൾക്കുമായി താഴെ പറയുന്ന നമ്പറുകളിൽ ബന്ധപ്പെടാം:
* ജില്ലാ എംപ്ലോയ്മെന്റ് എക്സ്ചേഞ്ച്, കണ്ണൂർ: 0497 2700831
* തളിപ്പറമ്പ് ടൗൺ എംപ്ലോയ്മെന്റ് എക്സ്ചേഞ്ച്: 0460 2209400
