പത്തനംതിട്ട: മൂന്നാം ബലാത്സംഗ കേസിൽ ജയിലിൽ കഴിയുന്ന രാഹുൽ മാങ്കൂട്ടത്തിൽ എംഎൽഎയ്ക്ക് ജാമ്യം അനുവദിച്ചു. പത്തനംതിട്ട സെഷൻസ് കോടതിയുടേതാണ് ഉത്തരവ്. എംഎൽഎ സമർപ്പിച്ച ജാമ്യാപേക്ഷ പരിഗണിച്ച കോടതി കർശന ഉപാധികളോടെയാണ് ജാമ്യം നൽകിയിരിക്കുന്നത്.
കഴിഞ്ഞ കുറച്ചു ദിവസങ്ങളായി റിമാൻഡിൽ കഴിയുകയായിരുന്നു അദ്ദേഹം. നേരത്തെ രജിസ്റ്റർ ചെയ്ത കേസുകൾക്ക് പിന്നാലെയാണ് മൂന്നാമതൊരു പരാതി കൂടി ഉയർന്നതും അറസ്റ്റ് രേഖപ്പെടുത്തിയതും. കേസിൽ വിശദമായ വാദം കേട്ട ശേഷമാണ് കോടതി ജാമ്യം അനുവദിച്ചത്. ജാമ്യം ലഭിച്ചതോടെ എംഎൽഎ ഉടൻ ജയിലിൽ നിന്നും പുറത്തിറങ്ങും.
അന്വേഷണവുമായി സഹകരിക്കണമെന്നും സാക്ഷികളെ സ്വാധീനിക്കാൻ ശ്രമിക്കരുതെന്നും കോടതി നിർദ്ദേശിച്ചിട്ടുണ്ട്. രാഷ്ട്രീയമായി ഏറെ വിവാദങ്ങൾ സൃഷ്ടിച്ച കേസിലുണ്ടായ കോടതി വിധി രാഷ്ട്രീയ വൃത്തങ്ങളിലും വലിയ ചർച്ചയായിട്ടുണ്ട്.
