തിരുവനന്തപുരം: സംസ്ഥാനത്ത് നാളെ (സെപ്റ്റംബര്‍ 30) ബിവറേജസ് ഔട്ട്ലെറ്റുകള്‍ പ്രവര്‍ത്തിക്കുക രാത്രി 7 മണി വരെ മാത്രം.
അർദ്ധ വാർഷിക സ്റ്റോക്ക് ക്ലിയറൻസിനെ തുടര്‍ന്നാണ് ഔട്ട്ലെറ്റുകള്‍ നേരത്തെ പ്രവര്‍ത്തനം അവസാനിപ്പിക്കുക. ഒക്ടോബര്‍ 1 ഡ്രൈ ഡേ ആയതിനാലും ഒക്ടോബര്‍ 2 ഗാന്ധി ജയന്തിയായതിനാലും ഇനി ഒക്ടോബര്‍ 3-ാം തീയതി മാത്രമേ ബിവറേജസ് ഔട്ട്ലെറ്റുകള്‍ തുറന്ന് പ്രവര്‍ത്തിക്കുകയുള്ളൂ.
ഒക്ടോബർ-2ന് ബിവറേജസ് കോര്‍പ്പറേഷന് മാത്രമല്ല, ബാറുകളും അവധിയായിരിക്കും. ത്രിവേണി സ്റ്റോറുകള്‍ക്കും, കണ്‍സ്യൂമർ ഫെഡ് ഷോപ്പുകള്‍ക്കും ഇത് ബാധകമായിരിക്കും.
ഒക്ടോബർ 1-ാം തീയതി ഉള്‍പ്പെടെ ഈ വർഷം ഇനി മൂന്ന് ഡ്രൈ ഡേകള്‍ കൂടിയാണുള്ളത്. അതിനാല്‍ തന്നെ മറ്റ് അവധികള്‍ ഇനി ബെവ്കോ ഷോപ്പുകള്‍ക്കുണ്ടാകില്ല. ക്രിസ്മസ് ദിനത്തിലും ബെവ്കോ അവധിയായിരിക്കില്ല.
