കൊച്ചി: കഴിഞ്ഞ സീസണിലെ ബിഗ് ബോസ് താരം ജിന്റോയ്‌ക്കെതിരെ മോഷണ കുറ്റത്തിന് കേസെടുത്ത് പൊലീസ്. ബോഡി ബില്‍ഡിംഗ് സെന്ററില്‍ മോഷണം നടത്തിയെന്ന പരാതിയിലാണ് കേസ്.
വിലപ്പെട്ട രേഖകളും 10000 രൂപയും മോഷണം പോയെന്നാണ് പരാതി. ജിന്റോ ജിമ്മില്‍ കയറുന്നതിന്റെ സിസിടിവി ദൃശ്യങ്ങള്‍ അടക്കം പരാതിക്കൊപ്പം പൊലീസിന് നല്‍കിയിട്ടുണ്ട്.
ജിന്റോ ലീസിന് നല്‍കിയ ബോഡി ബില്‍ഡിംഗ് സെന്ററില്‍ നിന്നാണ് പണവും രേഖകളും മോഷ്ടിച്ചത്.
ഡ്യൂപ്ലിക്കേറ്റ് താക്കോല്‍ ഉപയോഗിച്ചാണ് ജിന്റോ ജിം തുറന്നത്. പാലാരിവട്ടം പൊലീസാണ് കേസ് അന്വേഷിക്കുന്നത്.
