തിരുവനന്തപുരം: സംസ്ഥാനത്ത് വെളിച്ചെണ്ണ വിലക്കയറ്റം നിയന്ത്രിക്കാനായി സർക്കാർ നടപടി ആരംഭിച്ചു. ഇന്ന് മുതൽ സപ്ലൈക്കോ ഔട്ട്ലെറ്റുകളിൽ ലിറ്ററിന് ₹457 നിരക്കിൽ വെളിച്ചെണ്ണ ലഭ്യമാക്കുമെന്ന് ഭക്ഷ്യ-സിവിൽ സപ്ലൈസ് മന്ത്രി ജി.ആർ. അനിൽ അറിയിച്ചു.
ഒരു കാർഡിന് ഒരു ലിറ്റർ മാത്രമേ അനുവദിക്കൂ. സപ്ലൈക്കോയിൽ ശബരി വെളിച്ചെണ്ണയും കേരഫെഡ് വെളിച്ചെണ്ണയും ഒരു ലിറ്റർ ക്രമത്തിൽ ലഭ്യമാക്കും. ലാഭം ഒഴിവാക്കി ഹോൾസെയിൽ വിലയ്ക്കാണ് കേരഫെഡ് വെളിച്ചെണ്ണ നൽകുന്നതെന്നും മന്ത്രി വ്യക്തമാക്കി.
