ഇടുക്കി: ഇടുക്കിയില്‍ ആദിവാസി യുവാവ് വീടിനുള്ളില്‍ ദുരൂഹ സാഹചര്യത്തില്‍ മരിച്ച നിലയില്‍. മറയൂർ ഇന്ദിരാ നഗർ സ്വദേശി സതീഷിനെയാണ് (35) മരിച്ച നിലയില്‍ കണ്ടെത്തിയത്. തലയ്‌ക്ക് പരിക്കേറ്റ നിലയില്‍ രക്തംവാർന്ന അവസ്ഥയിലായിരുന്നു മൃതദേഹം.
ഇന്ന് രാവിലെ സതീഷിനെ അന്വേഷിച്ച്‌ ബന്ധുക്കള്‍ വീട്ടിലെത്തിയ സമയത്താണ് മരിച്ച നിലയില്‍ സതീഷിനെ കണ്ടെത്തുന്നത്. കഴിഞ്ഞ ദിവസവും വിറക് ശേഖരിക്കാനും വിറക് വില്‍ക്കാനുമെല്ലാമായി സതീഷ് സുഹൃത്തുക്കള്‍ക്കൊപ്പം പോയിരുന്നു.
ഡിവൈഎസ്‌പിയുടെ നേതൃത്വത്തിലുള്ള സംഘം സതീഷിന്റെ വീട്ടിലെത്തിയിട്ടുണ്ട്. ഇൻക്വസ്റ്റ് നടപടികള്‍ നടത്തി വരികയാണ്. ഫോറൻസിക് പരിശോധനയില്‍ മാത്രമേ മരണകാരണം സംബന്ധിച്ച പ്രാഥമിക നിഗമനത്തിലെത്താൻ സാധിക്കുകയുള്ളു എന്ന് പൊലീസ് അറിയിച്ചു.
