പയ്യന്നൂർ: രാമന്തളിയില്‍ അച്ഛന്‍റെ കാല്‍ തല്ലിയൊടിച്ച മകൻ പിടിയില്‍. കല്ലേറ്റും കടവ് സ്വദേശി അനൂപ് ആണ് പിടിയിലായത്.
76 വയസുകാരനായ അമ്പുവിന്‍റെ കാലാണ് അനൂപ് തല്ലിയൊടിച്ചത്. സ്വത്ത് ഭാഗം വെക്കാൻ വിസമ്മതിച്ചതിനെ തുടർന്നുണ്ടായ തർക്കമാണ് ആക്രമണത്തിന് കാരണം.
കാലിന് ഗുരുതരമായി പരിക്കേറ്റ അമ്പു പയ്യന്നൂർ സഹകരണ ആശുപത്രിയില്‍ ചികിത്സയിലാണ്. വീടിനോട് ചേർന്ന കട വരാന്തയില്‍ വെച്ച്‌ മരവടി കൊണ്ട് ഇടതു കാല്‍മുട്ട് അടിച്ചു തകർക്കുകയായിരുന്നു. കഴിഞ്ഞ ഞായറാഴ്ചയാണ് സംഭവം. അനൂപിനെ കോടതിയില്‍ ഹാജരാക്കി റിമാൻഡ് ചെയ്തു.
