വടക്കഞ്ചേരി: പാലക്കാട് വടക്കഞ്ചേരിയില്‍ ഭാര്യയെ കാണാനില്ലെന്ന പരാതിയുമായി ഭർത്താവ്. 30 കാരിയായ റജീനയെയാണ് തിങ്കളാഴ്ച മുതല്‍ കാണാതായത്.
കുട്ടികള്‍ക്കുള്ള പാഠ പുസ്തകം വാങ്ങാനെന്ന് പറഞ്ഞാണ് റജീന വീട്ടില്‍ നിന്നിറങ്ങിയതെന്ന് ചീക്കോട് സ്വദേശി സുല്‍ത്താൻ വടക്കഞ്ചേരി പൊലീസില്‍ നല്‍കിയ പരാതിയില്‍ പറയുന്നു.
യുവതി മൊബൈല്‍ ഫോണ്‍ എടുക്കാതെയാണ് വീട്ടില്‍ നിന്നിറങ്ങിയത്. കയ്യിലുള്ളത് 4,500 രൂപ മാത്രമാണ്. ഭാര്യയ്ക്ക് ചെറിയ മാനസിക പ്രശ്നങ്ങള്‍ ഉണ്ടെന്നും ഭർത്താവ് പരാതിയില്‍ പറയുന്നു. സംഭവത്തില്‍ അന്വേഷണം നടത്തുകയാണെന്ന് പൊലീസ് അറിയിച്ചു.
