കണ്ണൂർ :തളിപ്പറമ്പ് മേഖലയിലെ കരിമ്പത്ത് വീണ്ടും എം.ഡി.എം.എ പിടിച്ചെടുത്തു, രണ്ടുപേർ അറസ്റ്റില്‍.
അള്ളാംകുളം ഷെരീഫ മൻസിലില്‍ മുസ്‌തഫയുടെ മകൻ കുട്ടൂക്കൻ മുജീബ് (40), ഉണ്ടപ്പറമ്പിലെ ആനപ്പൻ വീട്ടില്‍ മുഹമ്മദ്കുഞ്ഞിയുടെ എ.പി.മുഹമ്മദ് മുഫാസ് (28) എന്നിവരെയാണ് എസ്.ഐ കെ.വി.സതീശൻ്റെയും റൂറല്‍ ജില്ലാ പോലീസ് മേധാവി അനുജ് പലിവാളിൻ്റെ നേതൃത്വത്തില്‍ പ്രവർത്തിക്കുന്ന ഡാൻസാഫ് ടീമം ചേർന്ന് പിടികൂടിയത്.
സംസ്ഥാന പാതയില്‍ കരിമ്പം ഗവ.താലൂക്ക് ആശുപത്രിയുടെ സമീപത്തു വെച്ചാണ് കെ.എല്‍-59 എ.എ 8488 നമ്പർ ബൈക്കില്‍ ശ്രീകണ്‌ഠാപുരം ഭാഗത്തു നിന്നും തളിപ്പറമ്പിലേക്ക് വരുന്നതിനിടയില്‍ ഇവർ പോലീസ് പിടിയിലായത്.
2.621 ഗ്രാം എം.ഡി.എം.എ ഇവരില്‍ നിന്ന് പിടിച്ചെടുത്തു. പ്രതികളില്‍ മുഫാസ് നേരത്തെ എൻ.ടി.പി.എസ് കേസില്‍ പ്രതിയാണെന്ന് പൊലീസ് പറഞ്ഞു.
ഇവരില്‍ നിന്നും മൂന്ന് മൊബൈല്‍ ഫോണുകളും വാഹനവും പോലീസ് പിടിച്ചെടുത്തു. തളിപ്പറമ്പ് പ്രദേശത്ത് യുവാക്കള്‍ക്കും വിദ്യാർത്ഥികള്‍ക്കുമിടയില്‍ എം.ഡി.എം.എ എത്തിക്കുന്നവരില്‍ പ്രധാനികളാണ് ഇരുവരുമെന്ന് പൊലീസ് പറഞ്ഞു.
