തിരുവനന്തപുരം: കേരളത്തിലെ പ്ലസ് ടു പരീക്ഷാഫലം വിദ്യാഭ്യാസ മന്ത്രി വി.ശിവൻകുട്ടി പ്രഖ്യാപിച്ചു. 77.81-ശതമാനമാണ് ഇക്കുറി വിജയ ശതമാനം.
കഴിഞ്ഞ തവണത്തേ വിജയ ശതമാനത്തേക്കാള് നേരിയ കുറവാണിത് . കഴിഞ്ഞ വർഷം 78.68 ആയിരുന്നു വിജയ ശതമാനം. എല്ലാ വിഷയങ്ങള്ക്കും എ പ്ലസ് നേടിയവരുടെ എണ്ണത്തിലും ഇക്കുറി കുറവുണ്ടായി. 57 സ്കൂളുകള് നൂറ് ശതമാനം വിജയം കൈവരിച്ചു.
ഏറണാകുളം ജില്ലയിലാണ് ഏറ്റവും കൂടുതല് വിജയ ശതമാനം. 83.09 ആണ് എറണാകുളം ജില്ലയിലെ വിജയ ശതമാനം. കാസർഗോഡ് ജില്ലയിലാണ് ഏറ്റവും കുറവ് വിജയ ശതമാനം. 71.09 ആണ് ഈ ജില്ലയിലെ വിജയ ശതമാനം.
പന്ത്രണ്ടാം ക്ലാസില് പരീക്ഷയെഴുതിയവരില് 30145 കുട്ടികള് സമ്ബൂർണ എ പ്ലസ് നേടി. 41 കുട്ടികള്ക്ക് എല്ലാ വിഷയങ്ങള്ക്കും മുഴുവൻ മാർക്കും ലഭിച്ചു. തൃശൂർ ജില്ലയിലാണ് ഏറ്റവുമധികം കുട്ടികള്ക്ക് എല്ലാ വിഷയങ്ങള്ക്കും എ പ്ലസ് ലഭിച്ചത്. ഇത്തവണ 4,44,707 വിദ്യാർഥികളാണ് രണ്ടാം വർഷ ഹയർ സെക്കൻഡറി പരീക്ഷ എഴുതിയത്.
4,13,581 വിദ്യാർഥികള് രജിസ്റ്റർ ചെയ്ത ഒന്നാം വർഷ പരീക്ഷയുടെ മൂല്യ നിർണയം നടന്നു വരുന്നു. ജൂണ് മാസത്തിലാകും ഇതിന്റെ ഫലം പ്രസിദ്ധീകരിക്കുകയെന്ന് മന്ത്രിയുടെ ഓഫിസ് അറിയിച്ചു.
പ്ലസ് ടൂ ഫലം താഴെപ്പറയുന്ന വെബ്സൈറ്റുകള് വഴി ലഭ്യമാകും
www.results.kite.kerala.gov.in
വൊക്കേഷണല് ഹയര് സെക്കന്ഡറി പരീക്ഷയില് സംസ്ഥാനത്തെ 70.6 ശതമാനം കുട്ടികളാണ് വിജയിച്ചത്. ഇതിലും കഴിഞ്ഞ തവണത്തെ അപേക്ഷിച്ചു കുറവുണ്ട്. 71.42 ശതമാനമായിരുന്നു കഴിഞ്ഞ വര്ഷത്തെ വിജയ ശതമാനം.
വൊക്കേഷണല് ഹയര് സെക്കന്ഡറി വിഭാഗത്തില് കൂടുതല് വിജയ ശതമാനം വയനാട് ജില്ലയിലും ( 84.46) കുറവ് കാസര്ഗോഡ് ജില്ലയിലു ( 61.70) മാണ്. 26178 കുട്ടികളാണ് വൊക്കേഷണല് ഹയര് സെക്കന്ഡറി പരീക്ഷ എഴുതിയത്. ഇതില് 18340 കുട്ടികള് ഉപരി പഠനത്തിന് യോഗ്യത നേടിയിട്ടുണ്ട്.
വിഎച്ച്എസ്ഇ ഫലം താഴെപ്പറയുന്ന വെബ്സൈറ്റുകള് വഴി ലഭ്യമാകും
www.results.kite.kerala.gov.in
ഈ വെബ്സൈറ്റുകള്ക്ക് പുറമെ PRD Live, SAPHALAM 2025, iExaMS - Kerala എന്നീ മൊബൈല് ആപ്ലിക്കേഷനുകള് വഴിയും വിദ്യാർഥികള്ക്ക് ഫലം പരിശോധിക്കാന് കഴിയും.
