കൊല്ലം: ബൈക്കില്‍ നിന്നും എംഡിഎംഎ കണ്ടെത്തിയതിനെ തുടർന്ന് രണ്ടു യുവാക്കള്‍ അറസ്റ്റില്‍. പുനലൂര്‍ സ്വദേശികളായ സായുഷ്ദേവ് (24), സുമേഷ് (24) എന്നിവരാണ് കൊല്ലം പുനലൂരില്‍ വെച്ച്‌ പൊലീസ് പിടികൂടിയത്.
ഇവര്‍ യാത്ര ചെയ്തിരുന്ന ബൈക്കും പൊലീസ് കസ്റ്റഡിയിലെടുത്തിട്ടുണ്ട്.
കഴിഞ്ഞ രാത്രി പരവട്ടം ജങ്ഷനില്‍ നടത്തിയ പരിശോധനയ്ക്കിടെയാണ് ഇവരെ അറസ്റ്റ് ചെയ്തത്.
വസ്ത്രത്തില്‍ ഒളിപ്പിച്ച നിലയില്‍ നാലു ഗ്രാം എംഡിഎംഎ ഇവരില്‍ നിന്ന് പിടി കൂടിയതായി പുനലൂര്‍ എസ്‌എച്ച്‌ഒ ടി. രാജേഷ്‌കുമാര്‍ അറിയിച്ചു. ലഹരിമരുന്ന് കടത്തുന്നതിനായി ഉപയോഗിച്ചിരുന്ന ബൈക്കും പോലീസ് പിടിച്ചെടുത്തു.
അറസ്റ്റില്‍ ഡാന്‍സാഫ് (ജില്ലാ ആന്റി നാര്‍കോട്ടിക് സ്പെഷല്‍ ഫോഴ്സ്) സംഘവും പുനലൂര്‍ പോലീസും ചേര്‍ന്നാണ് നടപടി സ്വീകരിച്ചത്.
സംഘം നയിച്ച പൊലീസ് പരിശോധനയില്‍ എസ്‌ഐ എം.എസ്. അനീഷ്, സിവില്‍ ഓഫീസര്‍മാരായ ജെസ്നോ കുഞ്ഞച്ചന്‍, ഗിരീഷ് തുടങ്ങിയവരും പങ്കെടുത്തു. സംഭവത്തില്‍ കൂടുതല്‍ അന്വേഷണം പുരോഗമിക്കുകയാണ്.
ലഹരിക്കടത്ത് തടയുന്നതിന് പോലീസ് ശക്തമായ നിരീക്ഷണത്തിലാണെന്നും, കുറ്റവാളികള്‍ക്കെതിരെ കഠിന നടപടി സ്വീകരിക്കുമെന്നും അധികൃതര്‍ വ്യക്തമാക്കി.
