കണ്ണൂർ: ഏപ്രിലിൽ എഎവൈ വിഭാഗം കാർഡിന് സൗജന്യമായി 30 കിലോഗ്രാം അരി, 3 കിലോഗ്രാം ഗോതമ്പ്, ഏഴ് രൂപ നിരക്കിൽ രണ്ട് പാക്കറ്റ് ആട്ട, 27 രൂപക്ക് ഒരു കിലോ പഞ്ചസാര എന്നിവ ലഭിക്കും.
മുൻഗണന (പി എച്ച് എച്ച്) വിഭാഗം കാർഡുകളിലെ ഓരോ അംഗത്തിനും നാല് കിലോഗ്രാം സൗജന്യ അരി, ഒരു അംഗം മാത്രമുള്ള കാർഡിന് ഒരു പാക്കറ്റ് ആട്ട, രണ്ട് അംഗങ്ങളുളള കാർഡിന് രണ്ട് പാക്കറ്റ് ആട്ട, മൂന്ന് അംഗങ്ങളുളള കാർഡിന് മൂന്ന് പാക്കറ്റ് ആട്ടയും മൂന്നിൽ കൂടുതൽ അംഗങ്ങളുളള കാർഡിന് ഒൻപത് രൂപ നിരക്കിൽ മൂന്ന് പാക്കറ്റ് ആട്ടയും ഗോതമ്പും ലഭിക്കും.
പൊതുവിഭാഗം സബ്‌സിഡി (എൻ പി എസ്) വിഭാഗം കാർഡിലെ അംഗങ്ങൾക്ക് നാല് രൂപ നിരക്കിൽ രണ്ട് കിലോ അരി, കാർഡൊന്നിന് 10.90 രൂപ നിരക്കിൽ മൂന്ന് കിലോഗ്രാം സ്‌പെഷ്യൽ അരിയും ലഭിക്കും.
പൊതുവിഭാഗം (എൻ പി എൻ എസ്) നോൺ സബ്‌സിഡി വിഭാഗം കാർഡിന് 10.90 രൂപ നിരക്കിൽ 6 കിലോ അരിയും ലഭിക്കും. പൊതുവിഭാഗം (എൻ പി ഐ) കാർഡിന് 10.90 രൂപ നിരക്കിൽ രണ്ട് കിലോ അരിയും ലഭിക്കുമെന്ന് ജില്ലാ സപ്ലൈ ഓഫീസർ അറിയിച്ചു.
