തൃശൂർ: ഗുരുവായൂർ ക്ഷേത്രത്തില്‍ ഹൈക്കോടതി ഉത്തരവ് ലംഘിച്ച്‌ വീഡിയോ ചിത്രീകരിച്ച ബിജെപി സംസ്ഥാന അദ്ധ്യക്ഷൻ രാജീവ് ചന്ദ്രശേഖറിനെതിരെ പരാതി.
നടപ്പന്തലിലും ദീപസ്തംഭത്തിന് മുമ്പിൽ നിന്നുമുള്ള വീഡിയോ ചിത്രീകരിച്ചാണ് സാമൂഹ്യ മാധ്യമങ്ങളില്‍ പോസ്റ്റ് ചെയ്തത്.
വിവാഹങ്ങള്‍ക്കും ആചാരപരമായ കാര്യങ്ങള്‍ക്കും മാത്രം നടപ്പന്തലില്‍ വീഡിയോ ചിത്രീകരിക്കാം എന്നായിരുന്നു ഹൈക്കോടതി വിധി. എന്നാല്‍ ഇത് ലംഘിച്ചായിരുന്നു രാജീവ് ചന്ദ്രശേഖറിന്‍റെ റീല്‍സ് ചിത്രീകരണം.
നേരത്തെ നടപ്പന്തലില്‍ കേക്ക് മുറിച്ച്‌ റീല്‍സ് ചിത്രീകരിച്ച ജസ്‌ന സലീമിനെതിരെ വലിയ വിമർശനം ഉയർന്നിരുന്നു. ഇതിനെതിരെ നല്‍കിയ ഹരജിയിലായിരുന്നു ഹൈക്കോടതിയുടെ വിധി.
സെലിബ്രിറ്റികളോ വ്‌ളോഗർമാരോ നടപ്പന്തലില്‍ നിന്ന് വീഡിയോ ചിത്രീകരിക്കുകയോ സാമൂഹ്യ മാധ്യമങ്ങളിലോ പങ്കുവെക്കരുതെന്നായിരുന്നു വിധി. സംഭവത്തില്‍ രാജീവ് ചന്ദ്രശേഖറിനെതിരെ കെപിസിസി മീഡിയ പാനലിസ്റ്റ് വി. ആർ അനൂപ് പരാതി നല്‍കി
