കണ്ണൂര്‍: ജില്ലയിലെ ലോഡ്ജില്‍ നിന്ന് മയക്കുമരുന്നുമായി യുവാവും യുവതിയും പിടിയില്‍. താവക്കര സ്വദേശി ഫാത്തിമാസില്‍ നിഹാദ് മുഹമ്മദ്, പാപ്പിനിശ്ശേരി സ്വദേശി അനാമിക സുധീപ് എന്നിവരെയാണ് ടൗണ്‍ പൊലീസ് അറസ്റ്റ് ചെയ്തത്.
4 ഗ്രാം എംഡിഎംഎ യും, 9 ഗ്രാം കഞ്ചാവും ഇവരില്‍ നിന്നും പിടികൂടി കണ്ണൂർ ടൗണ്‍ ഇൻസ്പെക്ടർ ശ്രീജിത്ത് കൊടേരിയുടെ നേതൃത്വത്തിലാണ് റെയ്ഡ് നടത്തിയത്. കണ്ണൂർ - തലശ്ശേരി ദേശീയപാതയിലെ കാപ്പിറ്റോള്‍ മാളിന് സമീപത്തെ ലോഡ്ജില്‍ നിന്നാണ് ഇരുവരെയും അറസ്റ്റ് ചെയ്തത്
ലഹരി വില്‍പന നടക്കുന്നതായ രഹസ്യവിവരത്തിൻ്റെ അടിസ്ഥാനത്തില്‍ കമ്മീഷണർ പി. നിധിൻ രാജിൻ്റെ നിർദ്ദേശപ്രകാരമായിരുന്നു നഗരത്തില്‍ വ്യാപക റെയ്ഡ് നടത്തിയത്.
