Zygo-Ad

ചികിത്സാ പിഴവ്: പയ്യന്നൂരിൽ മോഡലിൻ്റെ പരാതിയില്‍ ഡോക്ടര്‍ക്കെതിരെ കേസെടുത്തു


പയ്യന്നൂർ : മുഖ സൗന്ദര്യം വര്‍ദ്ധിപ്പിക്കാന്‍ ചികിത്സ തേടിയ മോഡലായ യുവതിക്ക് ആശാസ്ത്രീയമായ ചികിത്സയിലെ പിഴവ് കാരണം പാര്‍ശ്വ ഫലം ഉണ്ടായതായി പരാതി.

ഇവരുടെ മുഖ സൗന്ദര്യത്തിന് ശോഭ കുറഞ്ഞുവെന്ന പരാതിയില്‍ ഡോക്ടര്‍ക്കെതിരെ പയ്യന്നൂർ പൊലീസ് കേസെടുത്തു. പയ്യന്നൂരില്‍ ഡോ.നമ്പ്യാര്‍സ് സ്‌കിന്‍ ഹെയര്‍ ലേസര്‍ ഏസ്തറ്റിക് എന്ന സ്ഥാപനം നടത്തുന്ന ഡോ.വരുണ്‍ നമ്പ്യാരുടെ പേരിലാണ് പയ്യന്നൂര്‍ പോലീസ് കേസെടുത്തത്.

മോഡലിംഗ് രംഗത്ത് പ്രവര്‍ത്തിക്കുന്ന മലപ്പുറം ഗസ്റ്റ് ഹൗസിന് സമീപത്തെ എ.ഷംസുദ്ദീന്റെ ഭാര്യയായ അവുലന്‍ വീട്ടില്‍ യു.മിനു മുതാസിന്റെ (37) പരാതിയിലാണ് കേസ്.

ഡോ.വരുണ്‍ നമ്പ്യാര്‍ സോഷ്യല്‍ മീഡിയ വഴി സ്‌കിന്‍ ആന്റ് ഹെയര്‍ ക്ലിനിക്ക് പ്ലാസ്റ്റിക്ക് സര്‍ജനാമെന്ന് പ്രചാരണം നടത്തിയത് കണ്ട് വിശ്വസിച്ച മിനു മുതാസ് തന്റെ മുഖസൗന്ദര്യം വര്‍ദ്ധിപ്പിക്കാനാണ് പയ്യന്നൂരിലെ ക്ലിനിക്കിലെത്തിയത്.

അവിടെ 2024 നവംബര്‍ 11 നും ഡിസംബര്‍ 16 നും ഇവരെ ഫേസ് ലിഫ്റ്റിംഗ് ട്രീറ്റ്‌മെന്റിന് വിധേയയാക്കി. ഇത് അശാസ്ത്രീയമായ രീതിയില്‍ ചെയ്തതിനാല്‍ തനിക്ക് പാര്‍ശ്വ ഫലങ്ങള്‍ ഉണ്ടായെന്നാണ് മിനു മുംതാസിന്റെ പരാതി. 

ഡോക്ടറെ സമീപിച്ച്‌ പരാതി പറഞ്ഞുവെങ്കിലും തുടര്‍ ചികിത്സ നല്‍കുകയോ ചികിത്സയ്ക്ക് ഈടാക്കിയ 50,000 രൂപ തിരികെ നല്‍കുകയോ ചെയ്യാതെ ചതി ചെയ്തുവെന്നാണ് പരാതി.

വളരെ പുതിയ വളരെ പഴയ