കോട്ടയം: പാലാ കടപ്ലാമറ്റത്ത് പൊലീസുകാർക്ക് നേരെ ലഹരി സംഘത്തിൻ്റെ ആക്രമണം. ആക്രമണത്തില്‍ മൂന്ന് പൊലീസുകാർക്ക് പരിക്കേറ്റു.
മരങ്ങാട്ടുപിള്ളി പോലീസ് സ്റ്റേഷനിലെ സി.പി.ഒമാരായ മഹേഷ്, ശരത്, ശ്യംകുമാര്‍ എന്നിവര്‍ക്കാണ് പരിക്കേറ്റത്. ഇവരെ ആശുപത്രിയില്‍ പ്രവേശിപ്പിച്ചു.
സംഭവത്തില്‍ വയലാ സ്വദേശികളായ കൈലാസ് കുമാര്‍, ദേവദത്തന്‍, അര്‍ജുന്‍ ദേവരാജ്, ജെസിന്‍ ജോജോ, അതുല്‍ പ്രദീപ്, അമല്‍ ലാലു എന്നിവരെ പോലീസ് അറസ്റ്റ് ചെയ്തു.
കടപ്ലാമറ്റം വയലായിലാണ് സംഭവം. സംഘം ലഹരി ഉപയോഗിച്ച ശേഷം ബഹളം വയ്ക്കുന്നുവെന്ന വിവരം ലഭിക്കുകയും സ്ഥലത്തെത്തിയ പോലീസിനെ ലഹരി സംഘം ആക്രമിക്കുകയുമായിരുന്നു.
