കേരള - തമിഴ്നാട് അതിർത്തിയില്‍ കമ്പിപ്പാലത്ത് പുലിയെ ബെെക്കിടിച്ചു. ഇടിയുടെ ആഘാതത്തില്‍ പുലിയും ബെെക്ക് യാത്രക്കാരനും റോഡില്‍ വീണു.
പുലി റോഡ് മുറിച്ച്‌ കടക്കുന്നതിനിടെയാണ് അപകടം ഉണ്ടായത്. ബോധം പോയി കുറച്ച്‌ നേരം റോഡില്‍ കിടന്ന പുലി പിന്നീട് കാട്ടിലേക്ക് ഓടിപ്പോയി. സംഭവത്തിന്റെ ദൃശ്യങ്ങള്‍ പുറത്തു വന്നിട്ടുണ്ട്.
ബെെക്ക് യാത്രക്കാരനായ ഗൂഡല്ലൂർ സ്വദേശി രാജൻ നിസാര പരിക്കുകളോടെ രക്ഷപ്പെട്ടു. രാജനെ നാട്ടുകാർ ആശുപത്രിയില്‍ പ്രവേശിപ്പിച്ചു. ഇന്ന് രാവിലെ എട്ട് മണിയോടെയാണ് ബെെക്ക് പുലിയെ ഇടിച്ചത്.
ബെെക്ക് ഇടിച്ച്‌ ബോധം പോയ പുലി റോഡില്‍ കിടക്കവെ മറ്റൊരു വാഹനത്തില്‍ ഉണ്ടായിരുന്നവരാണ് ദൃശ്യങ്ങള്‍ പകർത്തിയത്. ഇവർ ഫോറസ്റ്റ് ഓഫീസ് വിളിക്കുന്നതിനിടെ പുലി കാട്ടിലേക്ക് ഓടി മറയുകയായിരുന്നു.
