കോഴിക്കോട്: തിക്കോടിയില് തിരയില്പെട്ടുള്ള അപകടത്തില് അഞ്ചംഗ സംഘത്തിലെ 4 പേരാണ് മരിച്ചത്. ഒരാളെ രക്ഷപ്പെടുത്തി. പേര് മരിച്ചു. അനീസ, ബിനീഷ്, വാണി, ഫൈസൽ എന്നിവരാണ് മരിച്ചത്.
വയനാട് കൽപ്പറ്റ സ്വദേശികളാണ് കടല് തിരയില് പെട്ടത്. അഞ്ച് പേരാണ് തിരയില് പെട്ടത്. നാട്ടുകാര് ചേര്ന്ന് കരക്കെത്തിച്ച ശേഷം ഇവരെ ആശുപത്രിയില് പ്രവേശിപ്പിക്കുകയായിരുന്നു.
തിക്കോടി ഡ്രൈവിംഗ് ബീച്ചിലാണ് അപകടം സംഭവിച്ചത്. കല്ലകത്തു ബീച്ചിൽ വൈകിട്ടായിരുന്നു അപകടം. കൽപ്പറ്റയിലെ ജിമ്മിലെ സുഹൃത്തുക്കൾ ഉൾപ്പെടെ 26 അംഗ സംഘം വിനോദ യാത്രയ്ക്ക് എത്തിയതായിരുന്നു ഇവിടെ.
കടൽ ഉൾവലിഞ്ഞിട്ടുണ്ടെന്നും ആഴവും അടിയൊഴുക്കും ഉള്ളതിനാൽ ആരും ഇവിടെ ഇറങ്ങാൻ തയാറാവില്ലെന്നും തിക്കോടി പഞ്ചായത്ത് പ്രസിഡന്റ് ജമീല സമദ് പറഞ്ഞു.
ഇവരോടു കടലിൽ ഇറങ്ങരുതെന്നു നാട്ടുകാർ മുന്നറിയിപ്പു നൽകിയിരുന്നു. കൈകോർത്തു പിടിച്ചു സംഘം കടലിൽ ഇറങ്ങിയപ്പോഴായിരുന്നു അപകടമെന്നും ജമീല വ്യക്തമാക്കി.
