കേരളം: രാജ്യത്തെ വാണിജ്യ പാചക വാതക വിലയിൽ വർധനവ് വരുത്തി. 19 കിലോ സിലിണ്ടറുകൾക്ക് 39 രൂപയാണ് വർധിപ്പിച്ചത്. ഇന്നു മുതൽ പുതിയ വില നിലവിൽ വരും. കൊച്ചിയിൽ 19 കിലോ സിലിണ്ടറിന്റെ പുതിയ വില 1701 രൂപയായി ഉയർന്നു. എന്നാൽ ഗാർഹിക പാചക വാതക വിലയിൽ മാറ്റമില്ല.വർധനവിനെ തുടർന്ന്, ഡൽഹിയിൽ 19 കിലോഗ്രാം വാണിജ്യ സിലിണ്ടറിന്റെ വില 1691.50 രൂപയായി ഉയർന്നു. അതേസമയം, 14 കിലോ ഗാർഹിക പാചകവാതകത്തിന് ഡൽഹിയിൽ 803 രൂപയാണ് നിലവിലെ വില. ജൂലൈ ഒന്നിന് വാണിജ്യ സിലിണ്ടർ ഒന്നിന് 30 രൂപ കുറച്ചിരുന്നു. എന്നാൽ ഓഗസ്റ്റിലെ വില നിർണയത്തിൽ 8.50 രൂപ വർധിപ്പിച്ചിരുന്നു.സെപ്തംബറിലെ ഈ വില വർധനവ് കഴിഞ്ഞ മാസങ്ങളിലെ വില മാറ്റങ്ങളുടെ തുടർച്ചയാണ്. ജൂലൈയിലെ വില കുറവിനും ഓഗസ്റ്റിലെ നേരിയ വർധനവിനും ശേഷമാണ് ഇപ്പോൾ 39 രൂപയുടെ ഗണ്യമായ വർധനവ് വരുത്തിയിരിക്കുന്നത്. ഈ വില വർധനവ് വാണിജ്യ മേഖലയെ സാരമായി ബാധിക്കുമെന്ന് വിലയിരുത്തപ്പെടുന്നു.
