ന്യൂഡല്ഹി: എഴുപത്തിയെട്ടാമത് സ്വാതന്ത്ര്യ ദിനാഘോഷ നിറവില് രാജ്യം. ചെങ്കോട്ടയില് പ്രധാനമന്ത്രി നരേന്ദ്രമോദി ദേശീയ പതാക ഉയര്ത്തി. രാജ്ഘട്ടിലെത്തി രാഷ്ട്രപിതാവ് മഹാത്മാഗാന്ധിയുടെ സ്മാരകത്തില് പുഷ്പാര്ച്ചന നടത്തിയ ശേഷമാണ് രാജ്യത്തെ അഭിസംബോധന ചെയ്യാനായി പ്രധാനമന്ത്രി ചെങ്കോട്ടയിലെത്തിയത്. പ്രത്യേകം തയ്യാറാക്കിയ വേദിയിലാണ് മോദിയുടെ പ്രസംഗം. 'വികസിത ഭാരതം-2047' എന്നതാണ് ഈ വര്ഷത്തെ സ്വാതന്ത്ര്യദിനപ്രമേയം.
മോദിയുടെ തുടര്ച്ചയായ 11ാം സ്വാതന്ത്ര്യദിന പ്രസംഗമാണിത്. ഒളിമ്പിക് താരങ്ങള്, യുവാക്കള്, ഗോത്രസമൂഹം, കര്ഷകര്, സ്ത്രീകള്, കേന്ദ്ര പദ്ധതികളുടെ ഗുണഭോക്താക്കള്, മറ്റ് വിശിഷ്ടാതിഥികള് എന്നിങ്ങനെ വിവിധ മേഖലകളില്നിന്നുള്ള 6000 പ്രത്യേക അതിഥികള്ക്കാണ് ചടങ്ങിലേക്ക് ക്ഷണമുള്ളത്.
