33 സെക്കൻഡിൽ 50 കാറുകളുടെ പേരുകൾ ലോക റിക്കാർഡുമായി നാലു വയസുകാരൻ.

ഇരിട്ടി: എഴുത്തും വായനയുമറിയാത്ത നാലു വയസുകാരൻ 33 സെക്കന്‍റുകൊണ്ട് 50 കാറുകളുടെ പേരുപറഞ്ഞ് ലോക റിക്കാർഡ് നേടി. ഇരിട്ടി കീഴൂർ സ്വദേശിയും വിമുക്ത ഭടനുമായ രജിത് നിവാസിൽ ടി. രജിത്ത് – കണ്ണൂർ മോണ്ടിസോറി സ്‌കൂൾ അധ്യാപിക എൻ. സോന ദന്പതികളുടെ മകൻ ശിവാംശ് ആണ് ടൈം വേൾഡ് റിക്കാർഡിൽ ഇടം പിടിച്ചത്. ഏത് കാറ് കണ്ടാലും അല്ലെങ്കിൽ ഇതിന്‍റെ ചിത്രമോ ലോഗോയോ കണ്ടാലും ഉടൻ കാർ ഏതാണെന്ന് തിരിച്ചറിയാനും അത് പറയാനും ശിവാംശിനാകും.

ഏ​താ​നും ആ​ഴ്ച​ക​ൾ​ക്ക് മു​ന്പാണ് മ​ക​ന്‍റെ​ ക​ഴി​വ് തി​രി​ച്ച​റി​ഞ്ഞ​തെ​ന്ന് പി​താ​വ് ര​ജി​ത്ത് പ​റ​ഞ്ഞു. യാ​ത്ര ചെ​യ്യു​മ്പോ​ൾ കാ​ണു​ന്ന വാ​ഹ​ന​ങ്ങ​ൾ പേ​രു​ക​ൾ ചോ​ദി​ക്കു​ക മാ​ത്ര​മ​ല്ല ഓ​ർ​മി​ച്ചു​വ​യ്ക്കു​ക​യും ചെ​യ്യു​ന്നു​ണ്ടെ​ന്ന് മ​ന​സി​ലാ​ക്കി​യ​തോ​ടെ കൂടുതൽ പ്രോ​ത്സാ​ഹി​പ്പി​ക്കു​ക​യാ​യി​രു​ന്നു.

തി​രു​വ​ന​ന്ത​പു​ര​ത്ത് മ​സ്ക​റ്റ് ഹോ​ട്ട​ലി​ൽ ടൈം ​വേ​ൾ​ഡ് റി​ക്കാ​ർ​ഡ് അ​ധി​കൃ​ത​ർ ശി​വാം​ശി​ന്‍റെ ക​ഴി​വ് പ​രി​ശോ​ധി​ച്ചു. 33 സെ​ക്ക​ൻ​ഡി​ൽ ഇ​വ​ർ കാ​ണി​ച്ച അ​ൻ​പ​തി​ലേ​റെ കാ​റു​ക​ളു​ടെ ചി​ത്ര​ങ്ങ​ൾ തി​രി​ച്ച​റി​യു ക​യും പേ​ര് പ​റ​യു​ക​യും ചെ​യ്തു. കാ​റു​ക​ളു​ടെ ലോ​ഗോ കാ​ണി​ച്ചു​ള്ള പ​രി​ശോ​ധ​ന​യി​ൽ ഒ​രു മി​നി​റ്റ് 57 സെ​ക്ക​ൻ​ഡി​ൽ 110 കാ​റു​ക​ൾ തി​രി​ച്ച​റി​ഞ്ഞു. ഇ​തോ​ടെ​യാ​ണ് ടൈം ​വേ​ൾ​ഡ് റി​ക്കാ​ർ​ഡ് അ​ധി​കൃ​ത​ർ ശി​വാം​ശി​ന് വേ​ൾ​ഡ് റി​ക്കാ​ർ​ഡ് സ​ർ​ട്ടി​ഫിക്ക​റ്റ് ന​ൽ​കി​യ​ത്.