തിരുവനന്തപുരം: മലപ്പുറത്ത് പ്ലസ് വൺ സീറ്റ് പ്രതിസന്ധിയില്ലെന്ന് മന്ത്രി വി. അബ്ദുറഹ്മാൻ. ഒരു കുട്ടി തന്നെ രണ്ടും മൂന്നും സ്കൂളുകളിൽ അപേക്ഷിച്ചതാണ് പെരുപ്പിച്ച് കാണിക്കുന്നത്. അവസാന അലോട്ട്മെന്‍റ് കഴിഞ്ഞാൽ ഒരു കുട്ടിക്കും പുറത്ത് നിൽക്കേണ്ടി വരില്ലെന്നും മന്ത്രി വ്യക്തമാക്കി.
മാനേജ്മെന്‍റ് ക്വാട്ട അടക്കം ഇരുപതിനായിരത്തോളം സീറ്റുകൾ ബാക്കിയുള്ളതായാണ് കാണുന്നത്. ആവശ്യമായി വന്നാൽ കൂടുതൽ സജ്ജീകരണം നടത്തുമെന്ന് മുഖ്യമന്ത്രി പറഞ്ഞിട്ടുണ്ട്. പോളിടെക്നിക് അടക്കമുള്ള കോഴ്സുകളിലേക്കുള്ള പ്രവേശനവും നടക്കാൻ പോവുകയാണ്. ഇതെല്ലാം പൂർത്തിയായി കഴിഞ്ഞാൽ സീറ്റ് പ്രതിസന്ധി ഉണ്ടാകില്ലെന്നും മന്ത്രി വി. അബ്ദുറഹ്മാൻ കൂട്ടിച്ചേർത്തു.
