കോഴിക്കോട്: മലയോര മേഖലയിൽ പെയ്യുന്ന കനത്ത മഴയിൽ വാണിമേലിൽ നിർമ്മാണത്തിലിരുന്ന രണ്ടുനില വീട് പൂർണ്ണമായി തകർന്നുവീണു. സമീപത്തെ മണ്ണൊലിപ്പും ശക്തമായ വെള്ളപ്പൊക്കവുമാണ് അപകടത്തിന് കാരണമായത്.
സംഭവസമയത്ത് വീട്ടിനുള്ളിൽ തൊഴിലാളികളോ മറ്റോ ഇല്ലാതിരുന്നതിനാൽ വലിയൊരു ദുരന്തം ഒഴിവായി. നിർമ്മാണ പ്രവർത്തനങ്ങൾ അവസാന ഘട്ടത്തിലായിരുന്ന കെട്ടിടമാണ് തകർന്നത്. അപകടത്തെ തുടർന്ന് സമീപപ്രദേശങ്ങളിലെ വീടുകളിലുണ്ടായിരുന്നവരെ സുരക്ഷിത സ്ഥാനങ്ങളിലേക്ക് മാറ്റിപ്പാർപ്പിച്ചു.
സ്ഥലത്ത് പോലീസും റവന്യൂ അധികൃതരും എത്തി സ്ഥിതിഗതികൾ വിലയിരുത്തി. കനത്ത മഴ തുടരുന്ന സാഹചര്യത്തിൽ പ്രദേശവാസികൾക്ക് അധികൃതർ ജാഗ്രതാ നിർദ്ദേശം നൽകിയിട്ടുണ്ട്.
