തിരുവനന്തപുരം: സ്വാതന്ത്ര്യദിനാഘോഷങ്ങളുമായി ബന്ധപ്പെട്ട് സ്കൂളുകളിൽ വന്ദേമാതരം ആലപിക്കുന്നത് നിർബന്ധമല്ലെന്ന് ഉത്തരവ്. ആഘോഷച്ചടങ്ങുകളിൽ ദേശീയഗാനം (ജനഗണ മന) മാത്രം നിർബന്ധമായി ആലപിച്ചാൽ മതിയെന്ന് വിദ്യാഭ്യാസ വകുപ്പ് വ്യക്തമാക്കുന്നു.
സ്വാതന്ത്ര്യദിനാഘോഷ പരിപാടികൾ സംഘടിപ്പിക്കുന്നത് സംബന്ധിച്ച് സ്കൂളുകൾക്ക് നൽകിയ പൊതുനിർദ്ദേശങ്ങളുടെ ഭാഗമായാണ് ഇക്കാര്യത്തിൽ വ്യക്തത വരുത്തിയിരിക്കുന്നത്.
* ദേശീയഗാനം നിർബന്ധം: സ്വാതന്ത്ര്യദിനത്തിൽ പതാകയുയർത്തലിനും മറ്റ് ഔദ്യോഗിക പരിപാടികൾക്കും ശേഷം ദേശീയഗാനാലപനം നിർബന്ധമായി ഉണ്ടായിരിക്കും.
* സ്കൂൾ നിർദേശങ്ങൾ: സ്വാതന്ത്ര്യദിനാഘോഷങ്ങൾ ഭംഗിയായി സംഘടിപ്പിക്കാൻ എല്ലാ സ്കൂളുകൾക്കും നിർദേശം നൽകിയിട്ടുണ്ട്. ഗ്രീൻ പ്രോട്ടോക്കോൾ കർശനമായി പാലിച്ചുകൊണ്ടായിരിക്കണം പരിപാടികൾ നടത്തേണ്ടത്.
