രാജ്യത്തെ പ്രമുഖ സ്വകാര്യ എണ്ണക്കമ്പനിയായ നയാര എനർജി പെട്രോൾ, ഡീസൽ വിലയിൽ വൻ കുറവ് വരുത്തി. പെട്രോൾ ലിറ്ററിന് അഞ്ച് രൂപയും ഡീസൽ ലിറ്ററിന് മൂന്ന് രൂപയുമാണ് കമ്പനി കുറച്ചിരിക്കുന്നത്. അന്താരാഷ്ട്ര വിപണിയിൽ അസംസ്കൃത എണ്ണവില കുറഞ്ഞ പശ്ചാത്തലത്തിലാണ് ഈ നടപടി.
അതേസമയം രാജ്യത്തെ പൊതുമേഖലാ എണ്ണക്കമ്പനികൾ നിലവിൽ ഇന്ധനവിലയിൽ യാതൊരു മാറ്റവും വരുത്തിയിട്ടില്ല. സ്വകാര്യ മേഖലയിലെ ഈ വിലക്കുറവ് സാധാരണക്കാരായ വാഹന ഉടമകൾക്ക് വലിയ ആശ്വാസമാകും.
