തിരുവനന്തപുരം: പണം തികയാതെ വന്നാല് അത്യാവശ്യ ഘട്ടങ്ങളില് നമ്മള് കടം വാങ്ങാറുള്ളത് പതിവാണ്. എന്നാല് സുഹൃത്തുക്കളില് നിന്നോ ബന്ധുക്കളില് നിന്നോ കടം വാങ്ങുന്നതിനും ലിമിറ്റുണ്ട്.
20,000 രൂപയോ അതില് കൂടുതലോ പണമായി കടം വാങ്ങാനോ തിരിച്ചടയ്ക്കാനോ പാടില്ല എന്നാണ് ആദായ നികുതി നിയമം. ഈ നിയന്ത്രണം ഏത് വ്യക്തികള് തമ്മിലുളള ഇടപാടിനും ബാധകമാണ്.
നിയമ ലംഘനം നടത്തിയാല് വായ്പയുടെയോ തിരിച്ചടവിന്റെയോ തുകയ്ക്ക് തുല്യമായ പിഴ ഈടാക്കാം. ഉദാഹരണത്തിന് ഒരു വ്യക്തി 1 ലക്ഷം രൂപ വായ്പ സ്വീകരിച്ചാല് പിഴയും 1 ലക്ഷം ആയിരിക്കും.
നിശ്ചിത പരിധിക്ക് മുകളിലുള്ള ഏതൊരു തുകയും ബാങ്കിംഗ് ചാനലുകള്, അക്കൗണ്ട് ട്രാന്സ്ഫറുകള്, ചെക്കുകള്, ഡിമാന്ഡ് ഡ്രാഫ്റ്റ്, അല്ലെങ്കില് മറ്റ് ഡിജിറ്റല് മാര്ഗ്ഗങ്ങള് വഴി കൈമാറണമെന്നാണ് വിഭവാങ്കല് അനുകൂല്കര പ്രൈവറ്റ് ലിമിറ്റഡ് മാനേജിംഗ് ഡയറക്ടര് സിദ്ധാര്ഥ് മൗര വ്യക്തമാക്കുന്നത്.
