തിരുവനന്തപുരം: ശമ്പള പരിഷ്കരണ കുടിശ്ശിക അനുവദിക്കുന്നതിലെ കടുത്ത അവഗണനയിലും വാഗ്ദാന ലംഘനങ്ങളിലും പ്രതിഷേധിച്ച് സംസ്ഥാനത്തെ സര്ക്കാര് മെഡിക്കല് കോളജ് ഡോക്ടര്മാര് അനിശ്ചിതകാല സമരത്തിലേക്ക്.
നാളെ ജനുവരി 22 മുതല് അധ്യാപന ബഹിഷ്കരണത്തോടെ ആരംഭിക്കുന്ന സമരം ഫെബ്രുവരി രണ്ടിന് ഒ പി ബഹിഷ്കരണത്തിലേക്കും ഒന്പതുമുതല് അടിയന്തരമല്ലാത്ത ശസ്ത്രക്രിയകള് തടസപ്പെടുന്ന രീതിയിലേക്ക് വ്യാപിപ്പിക്കും.
കെജിഎംസിടിയുടെ നേതൃത്വത്തിലാണ് സമരം പ്രഖ്യാപിച്ചിരിക്കുന്നത്. മറ്റ് സര്ക്കാര് ജീവനക്കാര്ക്ക് ശമ്പള പരിഷ്കരണ കുടിശ്ശിക പൂര്ണ്ണമായി നല്കിയിട്ടും മെഡിക്കല് കോളജ് ഡോക്ടര്മാരുടെ കാര്യത്തില് സര്ക്കാര് വഞ്ചനാപരമായ നിലപാടാണ് സ്വീകരിക്കുന്നതെന്ന് സംഘടന ആരോപിക്കുന്നു.
