റോഡുകളില്‍ അപകടസാധ്യത ഉയരുന്ന സാഹചര്യത്തിലും, ലൈസൻസോ രജിസ്ട്രേഷനോ ആവശ്യമില്ലാത്ത ഇലക്‌ട്രിക് സ്കൂട്ടറുകളുടെ ഉപയോഗം ദിനംപ്രതി വ്യാപകമാവുകയാണ്. പ്രത്യേകിച്ച് വിദ്യാലയങ്ങളുടെയും ടൗൺ പ്രദേശങ്ങളുടെയും സമീപത്ത് ചെറുപ്രായത്തിലുള്ള വിദ്യാർത്ഥികൾ കൂട്ടമായി ഈ സ്കൂട്ടറുകളിൽ സഞ്ചരിക്കുന്ന കാഴ്ച ഇപ്പോൾ സാധാരണമാണ്.
പരിശോധനയ്ക്ക് നിയമപരിമിതികള്‍; പോലീസ് നിരാലംബർ
25 കിലോമീറ്റർ വരെ വേഗത കൈവരിക്കുന്ന ഈ ചെറിയ ഇ–സ്കൂട്ടറുകളിൽ ഒരാൾക്ക് മാത്രം സഞ്ചരിക്കേണ്ടതായിട്ടുള്ളപ്പോൾ പോലും ഹെൽമറ്റില്ലാതെ രണ്ടും മൂന്നും കുട്ടികൾ ഒരുമിച്ച് യാത്ര ചെയ്യുന്ന സംഭവങ്ങൾ നിരന്തരം പോലീസ് ശ്രദ്ധയിൽപ്പെടുന്നു.
എന്നാൽ 250 വാട്ട്‌ താഴെയുള്ള ബാറ്ററിയുള്ള ഇത്തരം സ്കൂട്ടറുകൾ മോട്ടോർവാഹനനിയമത്തിൽപ്പെടാത്തതിനാൽ, ലൈസൻസ്, ഇൻഷുറൻസ്, രജിസ്ട്രേഷൻ എന്നിവ ഒന്നും ആവശ്യമായില്ല. ഇതോടെ, നിയമലംഘനം തുറന്നകണ്ണോടെ കണ്ടാലും നടപടി എടുക്കാൻ പോലീസിന് കഴിയാത്ത അവസ്ഥയാണ്.
തിരക്കേറിയ റോഡുകളിലും ദേശീയപാതയിലും ‘പറപ്പൽ’
സ്കൂൾ സമയങ്ങളിൽ തിരക്കേറിയ റോഡുകളിലൂടെ കുട്ടികൾ അമിത വേഗത്തിൽ യാത്ര ചെയ്യുന്നത് അപകടസാധ്യത വർധിപ്പിക്കുന്നു.
പ്രവൃത്തിനടക്കുന്ന ദേശീയപാതയടക്കമുള്ള പ്രധാന മാർഗങ്ങളിലും ഇത്തരം സ്കൂട്ടറുകളുടെ സാന്നിധ്യം കൂടുതലാണെന്ന് പോലീസ് വ്യക്തമാക്കുന്നു.
മോട്ടോർ വാഹനവകുപ്പിന്റെ ഭാഗത്ത് നിശ്ബ്ദത
ഇത്തരം അപകടസാധ്യതയുള്ള യാത്രകൾ തടയുന്നതിനെക്കുറിച്ച് മോട്ടോർ വാഹനവകുപ്പിന്റെ ഭാഗത്ത് നിന്ന് ഇതുവരെ ഔദ്യോഗിക നിർദ്ദേശമൊന്നും ഇറങ്ങിയിട്ടില്ല.
സർക്കാരിന്റെ പ്രത്യേക നിർദേശം ലഭിച്ചാൽ മാത്രമേ പൊതുവഴികളിൽ ഹെൽമറ്റില്ലാത്ത കൂട്ടയാത്രയും അപകടകരമായ അഭ്യാസങ്ങളും നിയന്ത്രിക്കാൻ കഴിയൂവെന്ന് പോലീസ് അധികൃതർ പറയുന്നു.
