കൊച്ചി: നെടുമ്പാശ്ശേരി അന്താരാഷ്ട്ര വിമാനത്താവളത്തില്‍ വൻ ലരിവേട്ട. ആറ് കിലോഗ്രാം ഹൈബ്രിഡ് കഞ്ചാവുമായി കൊടുങ്ങല്ലൂർ സ്വദേശി കസ്റ്റംസിന്‍റെ പിടിയിലായി.
ആറ് കോടി രൂപ വിലമതിക്കുന്നതാണ് പിടിച്ചെടുത്ത ഹൈബ്രിഡ് കഞ്ചാവ്.
കൊടുങ്ങല്ലൂർ സ്വദേശിയായ അബ്ദുല്‍ ജലീല്‍ ജസ്മാലാണ് കസ്റ്റംസ് പരിശോധനയില്‍ പിടിയിലായത്. ഇയാള്‍ ബാങ്കോക്കില്‍ നിന്നാണ് കഞ്ചാവ് എത്തിച്ചതെന്ന് കസ്റ്റംസ് അറിയിച്ചു. ഫാഷൻ ഡിസൈനർ ആണ് പിടിയിലായ അബ്ദുല്‍ ജലീല്‍ ജസ്മാല്‍.
പ്രതി ബാങ്കോക്കില്‍ നിന്ന് കഞ്ചാവ് സിംഗപ്പൂരിലെത്തിക്കുകയും തുടർന്ന് വിമാന മാർഗം കൊച്ചിയിലേക്ക് കൊണ്ടു വരികയുമായിരുന്നു.
