തിരുവനന്തപുരം: ഡ്രില്ലിംഗ് മെഷീൻ തലയില്‍ തുളച്ചു കയറി രണ്ടര വയസുകാരന് ദാരുണാന്ത്യം. തിരുവനന്തപുരം കോട്ടക്കകം പടിഞ്ഞാറെനടയ്ക്ക് സമീപമാണ് സംഭവം നടന്നത്.
ധ്രുവാണ് മരിച്ചത്. കഴിഞ്ഞ ദിവസമാണ് സംഭവം നടന്നത്. ആശുപത്രിയില്‍ ചികിത്സയിലിരിക്കെയായിരുന്നു മരണം.
വീട്ടില്‍ നവീകരണ പ്രവർത്തനങ്ങള്‍ നടക്കുകയായിരുന്നു. ഇതിനായി ആണ് ഡ്രില്ലിംഗ് മെഷീൻ കൊണ്ടു വന്നത്. കുട്ടി ഇതെടുത്ത് കളിക്കുന്നതിനിടെയാണ് അപകടം ഉണ്ടായത്.
രണ്ട് ദിവസം മുൻപായിരുന്നു അപകടം. ഗുരുതരാവസ്ഥയില്‍ ആശുപത്രിയില്‍ പ്രവേശിപ്പിച്ചെങ്കിലും ചികിത്സയ്ക്ക് പിന്നാലെ കുഞ്ഞ് മരിക്കുകയാണ് ഉണ്ടായത് . രണ്ട് ദിവസമായി കുഞ്ഞ് വെൻ്റിലേറ്ററില്‍ ആയിരുന്നു.
