മാന്യ വായനക്കാർക്ക് ഓപ്പൺ മലയാളം ന്യൂസ്‌ നെറ്റ് വർക്കിന്ടെ സ്വാതന്ത്ര്യ ദിന ആശംസകൾ ❤️
തിവനന്തപുരം: 79-ാം സ്വാതന്ത്ര്യദിനം സംസ്ഥാനത്ത് ഭംഗിയേറിയ പരിപാടികളോടെ ആഘോഷിക്കും. രാവിലെ 9 മണിക്ക് തിരുവനന്തപുരം സെൻട്രൽ സ്റ്റേഡിയത്തിൽ മുഖ്യമന്ത്രി പിണറായി വിജയൻ ദേശീയ പതാക ഉയർത്തി ആഘോഷങ്ങൾക്ക് തുടക്കമിടും. വിവിധ സായുധ സേനാ വിഭാഗങ്ങളുടെയും മറ്റ് സന്നദ്ധസേനകളുടെയും പരേഡിൽ മുഖ്യമന്ത്രി അഭിവാദ്യം സ്വീകരിക്കും. പരേഡ് കമാൻഡർ അഞ്ജലി ഭാവനയുടെ നേതൃത്വത്തിലാണ് വിവിധ സംഘങ്ങൾ പങ്കെടുക്കുക.
തുടർന്ന് മുഖ്യമന്ത്രി സ്വാതന്ത്ര്യദിന സന്ദേശം നൽകും. വിശിഷ്ട സേവനത്തിനുള്ള രാഷ്ട്രപതിയുടെ പൊലീസ് മെഡലുകൾ, ഫയർ സർവീസ് മെഡലുകൾ, ജീവൻ രക്ഷാ പതക്കങ്ങൾ എന്നിവയും ചടങ്ങിൽ മുഖ്യമന്ത്രി സമ്മാനിക്കും. ഭാരതീയ വായുസേന ഹെലികോപ്റ്റർ വഴി പുഷ്പവൃഷ്ടിയും നടത്തും.
പരേഡിനുശേഷം തിരുവനന്തപുരം നഗരത്തിലെ വിവിധ സ്കൂളുകളിലെ വിദ്യാർത്ഥികൾ ദേശഭക്തിഗാനങ്ങൾ അവതരിപ്പിക്കും. മന്ത്രിമാർ സംസ്ഥാനത്തെ വിവിധ ജില്ലകളിൽ ദേശീയ പതാക ഉയർത്തും.
