മലപ്പുറം: സംസ്ഥാനത്ത് വീണ്ടും ഷോക്കേറ്റ് മരണം. മലപ്പുറം വേങ്ങരയില്‍ തോട്ടില്‍ നിന്ന് കുളിച്ചു കയറുന്നതിനിടെ പൊട്ടിവീണ് താഴ്ന്നു കിടന്ന വൈദ്യുത കമ്പിയില്‍ നിന്ന് ഷോക്കേറ്റ് 18കാരൻ മരണപ്പെട്ടു.
കണ്ണമംഗലം അച്ചനമ്പലം സ്വദേശി പുള്ളാട്ട് അബ്ദുല്‍ വദൂത്താണ് (18) മരിച്ചത്. വേങ്ങര വെട്ടുതോട് തോട്ടില്‍ കുളിക്കാൻ ഇറങ്ങിയപ്പോഴാണ് അപകടം. ഇന്ന് ഉച്ചയ്ക്ക് ശേഷമാണ് സംഭവം.
കുളിച്ചു കയറുന്നതിനിടെ താഴ്ന്നു കിടന്നിരുന്ന വൈദ്യുത കമ്പിയില്‍ നിന്ന് ഷോക്കേല്‍ക്കുകയായിരുന്നു. മൃതദേഹം തിരൂരങ്ങാടി താലൂക്ക് ആശുപത്രി മോർച്ചറിയില്‍ സൂക്ഷിച്ചിരിക്കുകയാണ്. പോസ്റ്റ്മോർട്ടത്തിന് ശേഷം കുടുംബത്തിന് വിട്ടു നല്‍കും.
