കൊച്ചി: എറണാകുളം വടക്കൻ പറവൂർ ചെറായി പാലത്തിന് മുകളില് നിന്നും പുഴയിലേക്ക് ചാടിയ പെണ്കുട്ടിയുടെ മൃതദേഹം കണ്ടെത്തി.
ഇന്നലെയാണ് 18 കാരി പാലത്തില് നിന്നും ചാടിയത്. ഇന്നലെ പൊലീസും ഫയർഫോഴ്സും സ്കൂബ ടീമും നടത്തിയ തെരച്ചിലില് കണ്ടെത്താൻ കഴിഞ്ഞിരുന്നില്ല. ചാടിയ സ്ഥലത്തില് നിന്നും 300 മീറ്റർ അകലെ മൃതദേഹം കണ്ടെത്തുകയായിരുന്നു.
തൃശ്ശൂർ സ്വദേശിയാണെങ്കിലും ഏറെ നാളായി എറണാകുളത്തായിരുന്നു പെണ്കുട്ടിയുടെ താമസം. ആണ് സുഹൃത്തുമായുള്ള തർക്കമാണ് ആത്മഹത്യയിലേക്ക് നയിച്ചതെന്ന് സൂചന.
ഇന്നലെ രാവിലെയാണ് പെണ്കുട്ടി പുഴയിലേക്ക് ചാടിയത്. നാട്ടുകാരില് ചിലർ പെണ്കുട്ടിയെ കണ്ടെങ്കിലും രക്ഷിക്കാനായില്ല. രാവിലെ മുതല് ഫയർ ഫോഴ്സും പൊലീസുമൊക്കെ നാട്ടുകാരുടെ സഹായത്തോടെ തെരച്ചില് നടത്തിയെങ്കിലും കണ്ടെത്താൻ കഴിഞ്ഞിരുന്നില്ല.
രാത്രിയോടെ തെരച്ചില് അവസാനിപ്പിക്കുകയായിരുന്നു. വടക്കൻ പറവൂരിലെ എസ്.എൻ കോളജില് പഠിച്ചിരുന്ന സമയത്തെ സുഹൃത്തുമായുള്ള തർക്കത്തിന് പിന്നാലെയാണ് പെണ്കുട്ടി പുഴയില് ചാടിയതെന്നാണ് പൊലീസ് പറയുന്നത്.
