കണ്ണൂർ: കൊയ്യത്ത് സ്‌കൂള്‍ ബസ് മറിഞ്ഞ് അപകടത്തില്‍ വിദ്യാർത്ഥികള്‍ക്കടക്കം പരുക്കേറ്റു.
മർക്കസ് സ്കൂളിന്റെ ബസ് തലകീഴായി മറിഞ്ഞ് കുട്ടികളടക്കം 20 ഓളം പേർക്ക് പരുക്കേറ്റിട്ടുണ്ട്.
പരുക്കേറ്റവരെ മയ്യിലിലെയും കണ്ണൂരിലെയും ആശുപത്രികളില്‍ പ്രവേശിപ്പിച്ചു. ബസ് തലകീഴായാണ് മറിഞ്ഞത്.
വളവില്‍ വച്ച്‌ നിയന്ത്രണം വിട്ട ബസ് മറിയുകയായിരുന്നു. മരത്തില്‍ തടഞ്ഞു നിന്നതിനാല്‍ വലിയ അപകടം ഒഴിവായി. 28 വിദ്യാർത്ഥികളും 4 മുതിർന്നയാളുകളുമാണ് ബസിലുണ്ടായിരുന്നത്.
മർക്കസിലെ അധ്യാപകന്റെ മകന്റെ വിവാഹ സല്‍ക്കാരത്തിന് പോകുമ്പോഴാണ് അപകടം നടന്നത്. ബസിലുണ്ടായിരുന്ന വിദ്യാർത്ഥികളെല്ലാം ഹോസ്റ്റലില്‍ താമസിക്കുന്നവരാണ്.
പരുക്കേറ്റവരുടെ ആരോഗ്യ നില സംബന്ധിച്ച്‌ വ്യക്തത വന്നിട്ടില്ല. പരുക്കേറ്റവരുടെ ആരുടെയും നില ഗുരുതരമല്ലെന്നാണ് പ്രാഥമിക വിവരം.
