കണ്ണൂരില്‍ പാപ്പിനിശ്ശേരിയിലെ ജന സേവന കേന്ദ്രത്തില്‍ നിന്ന് എമ്പുരാൻ വ്യാജ പതിപ്പ് പിടികൂടി. തംബുരു കമ്മ്യുണിക്കേഷൻസ് എന്ന സ്ഥാപനത്തില്‍ നിന്ന് വളപട്ടണം പൊലീസാണ് വ്യാജ പ്രിന്റ് പിടികൂടിയത്.
പെൻ ഡ്രൈവില്‍ ചിത്രത്തിന്റെ കോപ്പി പകർത്തി നല്‍കിയ ജീവനക്കാരി കസ്റ്റഡിയിലായി.
പൃഥ്വിരാജ് സംവിധാനം ചെയ്ത മോഹന്‍ലാല്‍ ചിത്രം എമ്പുരാന്‍ റിലീസ് ചെയ്ത് മണിക്കൂറുകള്‍ക്കകം ചിത്രത്തിന്റെ വ്യാജ പതിപ്പ് ചില വെബ്സൈറ്റുകളിലും ടെലഗ്രാമിലും പ്രത്യക്ഷപ്പെട്ടിരുന്നു. ഇത് ശ്രദ്ധയില്‍പ്പെട്ട സൈബര്‍ പൊലീസ് നടപടി ആരംഭിച്ചിരുന്നു.
വെബ് സൈറ്റുകളില്‍ നിന്ന് വ്യാജപതിപ്പ് പൊലീസ് നീക്കം ചെയ്യുകയും ഡൗണ്‍ലോഡ് ചെയ്യുന്നവർക്കെതിരെയും നടപടിയെന്ന് പൊലീസ് അറിയിച്ചിരുന്നു.
എവിടെ നിന്നാണ് ഡൗണ്‍ലോഡ് ചെയ്തതെന്നും മറ്റും വിശദമായി അന്വേഷിച്ച്‌ വരികയാണ്. അന്വേഷണത്തില്‍ കൂടുതല്‍ കാര്യങ്ങള്‍ കണ്ടെത്താന്‍ കഴിയുമെന്നാണ് കരുതുന്നത്. ചിത്രം പെന്‍ ഡ്രൈവുകളിലേക്ക് കോപ്പി ചെയ്ത് നല്‍കുകയും അതിന് ഒരു ചാര്‍ജ് ഈടാക്കുകയുമാണ് ഇവര്‍ ചെയ്തിരുന്നതെന്നും പൊലീസ് പറയുന്നു.
മാര്‍ച്ച്‌ 27ന് എമ്പുരാന്‍ റിലീസ് ചെയ്ത് മണിക്കൂറുകള്‍ക്കകം തന്നെ ചില വെബ്സൈറ്റുകളിലും ടെലഗ്രാമിലും ചിത്രത്തിന്റെ വ്യാജ പതിപ്പ് വന്നിരുന്നു.
ഇതിന് പിന്നാലെ തന്നെ സൈബര്‍ പൊലീസ് നിരീക്ഷണം ശക്തമാക്കിയിരുന്നു. ഇത് ശ്രദ്ധയില്‍പ്പെട്ട ഉടന്‍ തന്നെ പൊലീസ് നടപടി ആരംഭിക്കുകയും ചെയ്തിരുന്നു.
