ചലച്ചിത്രനടന്‍ രവികുമാര്‍ (75) അന്തരിച്ചു. വെള്ളിയാഴ്ച രാവിലെ 10.30 ന് ചെന്നൈയിലാണ് അന്ത്യം.
അര്‍ബുദരോഗത്തെ തുടര്‍ന്ന് ചികിത്സയിൽ ആയിരുന്നു. തൃശ്ശൂര്‍ സ്വദേശിയാണ്. നൂറിലേറെ മലയാള ചിത്രങ്ങളിലും നിരവധി തമിഴ് ചിത്രങ്ങളിലും ടിവി പരമ്പരകളിലും അഭിനയിച്ചിട്ടുണ്ട്.
1967ല്‍ പുറത്തെത്തിയ ഇന്ദുലേഖ എന്ന ചിത്രത്തിലൂടെയാണ് അരങ്ങേറ്റം. എം കൃഷ്ണന്‍ നായര്‍ സംവിധാനം ചെയ്ത 'അമ്മ' എന്ന ചിത്രമാണ് രവികുമാറിനെ സിനിമയില്‍ ശ്രദ്ധേയനാക്കിയത്.
ലിസ, അവളുടെ രാവുകള്‍, സർപ്പം, അങ്ങാടി, തീക്കടല്‍, അനുപല്ലവി തുടങ്ങിയവയാണ് പ്രധാന ചിത്രങ്ങള്‍.
അവസാനമായി അഭിനയിച്ചത് ആറാട്ട്, സിബിഐ 5 എന്നീ ചിത്രങ്ങളിലാണ്. എൻ സ്വരം പൂവിടും ഗാനമേ, സ്വർണ്ണ മീനിന്റെ തുടങ്ങി പല നിത്യഹരിത ഗാനങ്ങളിലും അഭിനയിച്ചിട്ടുണ്ട്.
