മലപ്പുറം: രാവിലെ കഞ്ചാവ് കേസില്‍ പിടികൂടി ജാമ്യത്തില്‍ വിട്ട പ്രതി വൈകിട്ട് വീണ്ടും കഞ്ചാവുമായി പിടിയിലായി.
മലപ്പുറത്താണ് സംഭവം. മലപ്പുറം തിരൂരിലെ വാടക ക്വാർട്ടേഴ്സില്‍ നിന്നും മംഗലം കൂട്ടായി സ്വദേശി ഉമ്മർ കുട്ടിയെയാണ് എക്സൈസ് പിടികൂടിയത്.
1.138 കിലോഗ്രാം കഞ്ചാവും 10000 രൂപയും ഇയാളുടെ കയ്യില്‍ നിന്നും വൈകിട്ട് കണ്ടടുത്തു. രാവിലെ പ്രതിയുടെ പോക്കറ്റില്‍ നിന്നും 8 പൊതികളിലായി സൂക്ഷിച്ച 93 ഗ്രാം കഞ്ചാവ് പിടിച്ചെടുത്തിരുന്നു. കച്ചവടത്തിനുപയോഗിച്ച സ്കൂട്ടറും കഞ്ചാവ് വില്‍പ്പന നടത്തി ലഭിച്ച 7500 രൂപയും പൊലീസ് കസ്റ്റഡിയിലെടുത്തിരുന്നു.
