ഗള്ഫ് നാടുകളില് ലോട്ടറി അടിച്ചാല് പിന്നെ തിരിഞ്ഞു നോക്കേണ്ട. മലയാളികളായ നിരവധി പേർക്കാണ് ഇതിനോടകം കോടികളും ലക്ഷങ്ങളും സമ്മാനമായി ലഭിച്ചിട്ടുള്ളത്.
മലയാളികള് ഉള്പ്പെടെ നിരവധി പേർക്ക് വൻതുക സമ്മാനമായി നല്കി അവരുടെ ജീവിതം മാറ്റി മറിച്ച അബുദാബി ബിഗ് ടിക്കറ്റ്, മഹ്സൂസ്, എമിറേറ്റ്സ് ഡ്രോ തുടങ്ങിയ നറുക്കെടുപ്പുകളില് നിരവധി പ്രവാസികളാണ് ഭാഗ്യം പരീക്ഷിക്കുന്നത്.
വർഷങ്ങളായി ഭാഗ്യം പരീക്ഷിക്കുണ്ടെങ്കിലും സമ്മാനം ലഭിക്കാതെ അതിനായി കാത്തിരിക്കുന്ന നിരവധി പ്രവാസികളുണ്ട്. അവർക്ക് ആവേശം നല്കുന്ന നറുക്കെടുപ്പാണ് കഴിഞ്ഞ ദിവസം നടന്നത്. അതേ വീണ്ടും ആ ഭാഗ്യം തേടിയെത്തിയത് മലയാളികള്ക്കരികിലേക്കാണ്.
മലയാളികളടക്കം മൂന്ന് ഇന്ത്യക്കാരാണ് ഇനി ബിഗ് ടിക്കറ്റ് നറുക്കെടുപ്പില് ലക്ഷങ്ങള് നേടി ലക്ഷ പ്രഭുക്കളാവാൻ പോകുന്നത്.
സീരീസ് 271 നറുക്കെടുപ്പിലാണ് മലയാളികളെ തേടി ഭാഗ്യമെത്തിയത്. മലയാളികളായ സന്ദീപ് താഴെയില്, ഷറഫുദ്ദീൻ ഷറഫ് എന്നിവർക്കും ആല്വിൻ മൈക്കിള് എന്ന യുവാവിനുമാണ് ലോട്ടറിയടിച്ചത്.
ഇവർക്ക് പുറമെ ബംഗ്ലാദേശ് സ്വദേശിയും സമ്മാനത്തിന് അർഹനായിട്ടുണ്ട്. സുഹൃത്തുക്കള്ക്കൊപ്പമായിരുന്നു സന്ദീപ് ബിഗ് ടിക്കറ്റ് എടുത്തത്.
ഭാര്യയും മകളുമടങ്ങുന്ന കൊച്ചു കുടുംബത്തെ ദുബായിലേക്ക് കൊണ്ടുവരികയാണ് തന്റെ പ്രധാന ലക്ഷ്യമെന്ന് സന്ദീപ് പറഞ്ഞു. പണം ഒത്തു വരാത്തതിനാല് പലപ്പോഴും കുടുംബത്തെ കൊണ്ടു വരാൻ സാധിച്ചിരുന്നില്ലെന്നും ബാക്കി പണം സാമ്പത്തിക ബാധ്യതകള് തീർക്കാൻ ഉപയോഗിക്കുമെന്നും അദ്ദേഹം പറഞ്ഞു.
സ്വകാര്യ കമ്പനിയിലെ ഡ്രൈവറാണ് ഷറഫുദ്ദീൻ. 15 ലക്ഷം രൂപയാണ് ഇരുവർക്കും ലഭിക്കുക.
എമിറേറ്റ്സ് ഡ്രോയില് മെഗാ-7, ഈസി-6, ഫാസ്റ്റ്-5 എന്നിങ്ങനെ മൂന്ന് ഗെയിമുകളാണുള്ളത്. പ്രതിവാരം ദശലക്ഷക്കണക്കിന് ദിർഹം സമ്മാനമായി ലഭിക്കാനുള്ള അവസരമുണ്ട്.
എന്നാല് ആഗോള വിജയികള്ക്ക് പ്രതിവാരം ആവേശകരമായ സമ്മാനങ്ങള് പ്രദാനം ചെയ്യുന്നത് തുടരുന്നു. ഔദ്യോഗിക വെബ്സൈറ്റില് നിന്നോ ആൻഡ്രോയിഡ്, ആപ്പിള് സ്റ്റോറുകളില് ലഭ്യമായ ആപ്ലിക്കേഷനില് നിന്നോ ടിക്കറ്റുകള് വാങ്ങി ആർക്കും എമിറേറ്റ്സ് ഡ്രോ ഗെയിമുകളില് പങ്കെടുക്കാം.
കഴിഞ്ഞ തവണത്തെ ബിഗ്ടിക്കറ്റ് നറുക്കെടുപ്പിലും ഭാഗ്യം ഇന്ത്യക്കാരെ തേടിയെത്തിയിരുന്നു. അത് മാത്രമല്ല അബുദാബി ബിഗ് ടിക്കറ്റ് 261ാമത് പ്രതിവാര നറുക്കെടുപ്പില് 15 മില്യണ് ദിർഹം സമ്മാനമായി നേടിയതും പ്രവാസി ഇന്ത്യക്കാരനാണ്.
ദുബായ് ബിസിനസ് ബേയില് പ്രൊക്യുർമെന്റ് ഓഫീസറായി ജോലി ചെയ്യുന്ന മുഹമ്മദ് ഷെരീഫ് ആണ് ഭാഗ്യവാൻ. കഴിഞ്ഞ 10 വർഷമായി നറുക്കെടുപ്പില് പങ്കെടുക്കുന്നയാളാണ്.
ഫെബ്രുവരി 23ന് ഓണ്ലൈനായി വാങ്ങിയ 186551 എന്ന നമ്പറിലുള്ള ടിക്കറ്റാണ് വിജയം കൊണ്ടു വന്നത്. എന്തായാലും പ്രവാസികളുടെ പ്രതീക്ഷകള്ക്ക് ആക്കം കൂട്ടുകയാണ് ഓരോ നറുക്കെടുപ്പുകളും എന്നതാണ് ഇതെല്ലാം നല്കുന്ന സൂചന.
