ഇന്ത്യന്‍ റെയില്‍വേക്ക് കീഴില്‍ വീണ്ടും ജോലിയവസരം. ഇന്ത്യന്‍ റെയില്‍വേ ഗോരഖ്പൂര്‍ ആസ്ഥാനമായി പ്രവര്‍ത്തിക്കുന്ന നോര്‍ത്ത്- ഈസ്‌റ്റേണ്‍ റീജിയന് കീഴില്‍ അപ്രന്റീസ് റിക്രൂട്ട്‌മെന്റ് നടക്കുന്നു. ആകെ 1104 ഒഴിവുകളാണുള്ളത്.
വിവിധ ഐടി ഐ യോഗ്യതയുള്ളവര്‍ക്കാണ് അവസരം. താല്‍പര്യമുള്ളവര്‍ ഫെബ്രുവരി 23ന് മുന്‍പായി അപേക്ഷ നല്‍കണം. തസ്തിക & ഒഴിവ്
നോര്‍ത്ത് ഈസ്‌റ്റേണ്‍ റെയില്‍വേയില്‍ അപ്രന്റീസ് റിക്രൂട്ട്‌മെന്റ്. ഗോരഖ്പൂര്‍ ആസ്ഥാനമായി പ്രവര്‍ത്തിക്കുന്ന നോര്‍ത്ത്- ഈസ്‌റ്റേണ്‍ റീജിയന് കീഴിലുള്ള വിവിധ വര്‍ക്ക്‌ഷോപ്പുകളിലേക്കാണ് നിയമനം. ആകെ 1104 ഒഴിവുകള്‍. ഒരു വര്‍ഷത്തേക്കാണ് പരിശീലന കാലാവധി.
ട്രേഡുകള്‍: ഫിറ്റര്‍, വെല്‍ഡര്‍, ഇലക്ട്രീഷ്യന്‍, കാര്‍പെന്റര്‍, പെയിന്റര്‍, മെഷീനിസ്റ്റ്, ടര്‍ണര്‍, മെക്കാനിക് ഡീസല്‍, ട്രിമ്മര്‍.
പ്രായപരിധി
15 വയസ് മുതല്‍ 24 വയസ് വരെയാണ് പ്രായപരിധി. എസ്.സി, എസ്.ടി, ഒബിസി, ഭിന്നശേഷിക്കാര്‍ തുടങ്ങിയ സംവരണ വിഭാഗക്കാര്‍ക്ക് നിയമാനുസൃത വയസിളവ് ലഭിക്കും.
യോഗ്യത
50 ശതമാനം മാര്‍ക്കോടെ ഹൈസ്‌കൂള്‍ / പത്താം ക്ലാസ് വിജയം. കൂടെ ബന്ധപ്പെട്ട ട്രേഡില്‍ ഐടി ഐ സര്‍ട്ടിഫിക്കറ്റും വേണം.
സ്റ്റൈപ്പന്റ്
നാഷണല്‍ അപ്രന്റീസ് നിയമങ്ങള്‍ക്കനുസരിച്ച് അര്‍ഹമായ സ്റ്റൈപ്പന്റായിരിക്കും ലഭിക്കുക.
തെരഞ്ഞെടുപ്പ്
എഴുത്ത് പരീക്ഷ അടിസ്ഥാനമാക്കിയാണ് തിരഞ്ഞെടുപ്പ്. സര്‍ട്ടിഫിക്കറ്റ് പരിശോധനയും നടക്കും.
അപേക്ഷ ഫീസ്
ജനറല്‍, ഒബിസി കാറ്റഗറിക്കാര്‍ക്ക് 100 രൂപ അപേക്ഷ ഫീസുണ്ട്. പട്ടികജാതി-പട്ടികവര്‍ഗ, ഭിന്നശേഷിക്കാര്‍, സ്ത്രീകള്‍ എന്നിവര്‍ക്ക് അപേക്ഷ ഫീസില്ല.
അപേക്ഷ
താല്‍പര്യമുള്ളവര്‍ ഇന്ത്യന്‍ റെയില്‍വേ റിക്രൂട്ട്‌മെന്റ് പോര്‍ട്ടല്‍ സന്ദര്‍ശിച്ച് അപേക്ഷ നല്‍കുക. അവസാന തീയതി ഫെബ്രുവരി 23.
സംശയങ്ങള്‍ക്ക് വെബ്‌സൈറ്റില്‍ നല്‍കിയിരിക്കുന്ന വിജ്ഞാപനം കാണുക.
വെബ്‌സൈറ്റ്: www.ner.indianrailways.gov.in
